| e-texts navigator |
| Wylie |
289a1 ཀྱང་མཐོང་ཞིང་ཆོས་ཀྱི་དབྱིངས་དབྱེར་མེད་པའི་ཚུལ་གྱིས་སངས་རྒྱས་ཐམས་ཅད་ཀྱང་མཐོང་ཞིང་། ཆོས་ཀྱི་དབྱིངས་དབྱེར་མེད་པའི་ཚུལ་གྱིས
289a2 སངས་རྒྱས་ཐམས་ཅད་སངས་རྒྱས་གཅིག་ཏུ་མོས་སོ། །སངས་རྒྱས་གཅིག་མཐོང་བས་ཀྱང་སངས་རྒྱས་ཐམས་ཅད་མཐོང་བ་རྣམ་པར་སྦྱོང་བར་བྱེད་དོ། །སངས་རྒྱས
289a3 ཐམས་ཅད་མཐོང་བས་ཀྱང་སངས་རྒྱས་གཅིག་མཐོང་བ་རྣམ་པར་སྦྱོང་པར་བྱེད་དོ། །སངས་རྒྱས་མཐོང་བ་རྣམ་པར་དག་པ་དེས་ཀྱང་བདག་མཐོང་བ་རྣམ་པར་དག་པ་ལ
289a4 འཇུག་གོ་། རྣམ་པར་དག་པ་དེ་ཉིད་ཀྱིས་ཆོས་ཐམས་ཅད་མཐོང་བ་རྣམ་པར་དག་པ་ལ་འཇུག་སྟེ། བདག་མཐོང་བ་རྣམ་པར་དག་པའམ། ཆོས་མཐོང་བ་རྣམ་པར་དག་པ
289a5 ལ་འདུ་ཤེས་གཉིས་སུ་འང་མི་འགྱུར་རོ། །སངས་རྒྱས་བཅོམ་ལྡན་འདས་དེ་དག་གི་ཉན་ཐོས་གང་དག་མཐོང་བ་དེ་དག་སངས་རྒྱས་མཐོང་བ་རྣམ་པར་དག་པ་ལས
289a6 གཞན་མ་ཡིན་པར་རབ་ཏུ་ཤེས་སོ། །དེ་ཉན་ཐོས་མཐོང་བས་སངས་རྒྱས་མཐོང་ལ། སངས་རྒྱས་མཐོང་བས་ཀྱང་ཉན་ཐོས་མཐོང་སྟེ། ཡང་དག་པར་མཐོང་བས་མཉམ
289a7 པར་མཐོང་ངོ་། །འཇིག་རྟེན་གྱི་ཁམས་མཐའ་ཡས་མུ་མེད་པ་དག་ན་འཁོད་པའི་སེམས་ཅན་གང་དག་སེམས་ཅན་དུ་བསྡུ་བས་བསྡུས་པའི་སེམས་ཅན་དམྱལ་བའམ།
iiif viewer powered by OpenSeadragon
