| e-texts navigator |
| Wylie |
287b1 ཉིད་དང་། རྣམ་པར་ཤེས་པའི་ངོ་བོ་ཉིད་འཇུག་པར་མི་བྱེད། ལྡོག་པར་མི་བྱེད་དེ། དེ་བཞིན་གཤེགས་པ་དེ་ནི་ཆོས་ཀྱི་འཁོར་ལོ་དེ་ལྟར་བསྐོར་རོ། །ཆོས་ཐམས་ཅད
287b2 འཇུག་པ་མེད་པར་བྱ་བའི་ཕྱིར་ཆོས་ཀྱི་འཁོར་ལོ་བསྐོར་རོ། །ཆོས་ཀྱི་འཁོར་ལོ་དེ་བསྐོར་ཀྱང་རུང་མ་བསྐོར་ཀྱང་རུང་ཆོས་ཀྱི་དབྱིངས་ཀྱི་མཐའ་ཚད་མེད་པ་དེ་ཉིད་སྤོང
287b3 པར་ཡང་མི་བྱེད་དོ། །ཆོས་ཀྱི་འཁོར་ལོ་བསྐོར་བ་དེ་གང་དག་གིས་ཤེས་པར་གྱུར་པ་དེ་དག་ཐམས་ཅད་ཀྱང་དེ་བསྐོར་བ་ཉིད་དུ་འགྱུར་རོ། །དེ་ནས་བདུད་རྣམ་པར་གནོན
287b4 པ་གཡོག་འཁོར་དང་བཅས་པ་དགེ་སློང་རྡོ་རྗེའི་ལྟེ་བ་དེའི་སློབ་མར་ཁས་བླངས་ནས་འདི་སྐད་ཅེས་སྨྲས་སོ། །བདག་ནི་དགེ་སློང་ཁྱེད་ལ་སྐྱབས་སུ་མཆིའོ། །དེས་དེ་ལ་འདི
287b5 སྐད་ཅེས་སྨྲས་སོ། །ཁྱོད་ཁོ་བོ་ལ་སྐྱབས་སུ་མ་འགྲོ་བར་དེ་བཞིན་གཤེགས་པ་འོད་དྲི་མ་མེད་པའི་འོད་ཟེར་གྱི་རྒྱལ་པོ་གང་གིས་ཆོས་འདི་ལྟ་བུ་བསྟན་པས་ཁྱོད་དེ་ཉིད་ལ་སྐྱབས་སུ
287b6 སོང་ཤིག་། དེས་དེ་ལ་འདི་སྐད་ཅེས་སྨྲས་སོ། །ཀྱེ། དེང་དེ་བཞིན་གཤེགས་པ་དེའི་ཐད་དུ་བཞུད་ཀྱི་ཚུར་སྤྱོན། དེ་ནས་དགེ་སློང་རྡོ་རྗེའི་ལྟེ་བ་བདུད་རྣམ་པར་གནོན་པ་དང་། བདུད
287b7 བརྒྱད་ཁྲི་བཞི་སྟོང་པོ་དེ་དག་དང་འགྲོགས་ཏེ། བཅོམ་ལྡན་འདས་འོད་དྲི་མ་མེད་པའི་འོད་ཟེར་གྱི་རྒྱལ་པོ་དེ་བཞིན་གཤེགས་པ་ག་ལ་བ་དེར་དོང་ནས་ལྷགས་པ་དང་། བཅོམ་ལྡན།
iiif viewer powered by OpenSeadragon
