| e-texts navigator |
| Wylie |
286b1 ལྟར་བཙལ་བར་བྱའོ། །དེ་ནས་བདུད་རྣམ་པར་གནོན་པས་དགེ་སློང་རྡོ་རྗེའི་ལྟེ་བ་ལ་འདི་སྐད་ཅེས་སྨྲས་སོ། །དགེ་སློང་། ཁྱོད་ཀྱི་སྟོན་པ་སུ་ཡིན། སུས་རྗེས་སུ་བསྟན་པས
286b2 ཁྱོད་ཀྱི་སྤོབས་པ་འདི་ལྟ་བུར་འགྱུར། སྨྲས་པ། གྲོགས་པོ། གང་འཇིག་ཚོགས་མ་བཤིགས་པར་བྱང་ཆུབ་ཐོབ་པ་དེ་ནི་ཁོ་བོའི་སྟོན་པའོ། །གང་ཉོན་མོངས་པ་དང་། རྣམ
286b3 པར་བྱང་བ་ལ་མི་གནས་པ་དེ་ནི་ཁོ་བོའི་སྟོན་པའོ། །གང་འདུས་བྱས་དང་། འདུས་མ་བྱས་ལ་རྣམ་པར་ཤེས་པ་མི་གནས་པ་དེ་ནི་ཁོ་བོའི་སྟོན་པའོ། །གང་གཞན་ལས་མ
286b4 མཉན་པར་བླང་བ་མེད་པའི་ཆུ་བོ་མི་གནས་པ་བརྒལ་བ་དེ་ནི་ཁོ་བོའི་སྟོན་པའོ། །གང་ཆོས་ཐམས་ཅད་ལ་རྣམ་པར་ཤེས་པ་མི་འཇུག་ཅིང་ཆོས་རྣམས་ལ་ཤེས་པ་མི
286b5 འཕོ་བ་དེ་ནི་ཁོ་བོའི་སྟོན་པའོ། །གང་སྒྲ་ཐམས་ཅད་ལ་འཇུག་པ་ཉེ་བར་དཔྱོད་ཅིང་བརྗོད་དུ་མེད་པའི་ཆོས་ཉིད་ལས་ཀྱང་མི་གཡོ་བ་དེ་ནི་ཁོ་བོའི་སྟོན་པའོ། །གང་ཆོས
286b6 ཐམས་ཅད་མི་སྐྱེ་བ་དང་། སྐྱེ་བ་ཐམས་ཅད་མི་འབྱུང་བར་བྱ་བའི་ཕྱིར་ཆོས་ཀྱི་འཁོར་ལོ་བསྐོར་བ་དེ་ནི་ཁོ་བོའི་སྟོན་པའོ། །གང་ཚུ་རོལ་དང་། ཕ་རོལ་དང་། དབུས་ན་མི
286b7 གནས་པ་དེ་ནི་ཁོ་བོའི་སྟོན་པའོ། །གང་ཆོས་ཐམས་ཅད་མི་སྐྱེ་བའི་ཕྱིར་སྐྱེས་པ་དེ་ནི་ཁོ་བོའི་སྟོན་པའོ། །གང་ཆོས་ཐམས་ཅད་འགོག་པ་མེད་པའི་ཕྱིར་ཡོངས་སུ་མྱ་ངན
iiif viewer powered by OpenSeadragon
