| e-texts navigator |
| Wylie |
285a1 མི་སློབ་པའི་ཆོས་གང་དག་ཡིན་པ་དང་། སངས་རྒྱས་ཀྱི་ཆོས་གང་དག་ཡིན་པ་དེ་དག་མཉམ་ཞིང་གཉིས་སུ་མེད་པ་དང་། རང་སངས་རྒྱས
285a2 ཀྱི་ཆོས་གང་དག་ཡིན་པ་དང་། སངས་རྒྱས་ཀྱི་ཆོས་གང་དག་ཡིན་པ་དེ་དག་མཉམ་ཞིང་གཉིས་སུ་མེད་པ་དང་། འདས་པའི་ཆོས་གང་དག་ཡིན་པ་དང་། མ་འོངས་པའི་ཆོས་གང
285a3 དག་ཡིན་པ་དང་། ད་ལྟར་བྱུང་བའི་ཆོས་གང་ཡིན་པ་དེ་དག་མཉམ་ཞིང་གཉིས་སུ་མེད་པ་དེ་ནི་སྐྱེ་བ་མེད་པ་མཉམ་པ་ཉིད་ཀྱིས་མཉམ་པ་དང་། འབྱུང་བ་མེད་པ་མཉམ་པ
285a4 ཉིད་ཀྱིས་མཉམ་པ་དང་། འགག་པ་མེད་པ་མཉམ་པ་ཉིད་ཀྱིས་མཉམ་པ་སྟེ། མཉམ་པ་ཉིད་འདི་རྣམས་མི་སྤོང་བ་གང་ཡིན་པའི་མཉམ་པ་ཉིད་དེ་བསྟན་པའི་ཕྱིར
285a5 སེམས་ཅན་རྣམས་ལ་ཆོས་འཆད་པར་འདོད་དོ། །གྲོགས་པོ། ཡང་དག་པར་འཇུག་པ་འདི་ནི་ཁམས་སུ་འཇུག་པ་མ་ཡིན། གཟུགས་ཀྱི་ཁམས་སུ་འཇུག་པ་མ་ཡིན།
285a6 གཟུགས་མེད་པའི་ཁམས་སུ་འཇུག་པ་མ་ཡིན་ནོ། །གང་དག་མཉམ་པ་ཉིད་ལ་གནས་པ་དག་ནི་ཆོས་ཉིད་ལས་མི་གཡོས། རྣམ་པར་མི་གཡོ། འགྲོ་བར་མི་བྱེད། མི
285a7 འགྲོ་བར་མི་བྱེད་དོ། །གྲོགས་པོ། འདི་དག་ནི་ཡང་དག་པར་འཇུག་པ་ཞེས་བྱའོ། །དེ་བཞིན་ཉིད་འཇུག་པ་གང་ཡིན་པ་ཆོས་ཐམས་ཅད་ཀྱི་འཇུག་པའང་དེ་ཡིན་ནོ། །ཆོས
iiif viewer powered by OpenSeadragon
