| e-texts navigator |
| Wylie |
283b1 པར་ཁྱོད་ལ་འདི་ལྟ་བུའི་བྱིན་གྱི་རླབས་ཡོད་པར་གྱུར། དེ་སྐད་ཅེས་སྨྲས་པ་དང་། རྣམ་པར་འཕྲུལ་པའི་རྒྱལ་པོ། དགེ་སློང་རྡོ་རྗེའི་ལྟེ་བས་བདུད་རྣམ་པར་གནོན་པ་ལ་འདི་སྐད་ཅེས
283b2 སྨྲས་སོ། །གྲོགས་པོ། བྱིན་གྱི་རླབས་འདི་ནི་རྙེད་པ་ལས་གྱུར་པ་མ་ཡིན་གྱི། ཆོས་ཐམས་ཅད་དམིགས་སུ་མེད་པ་ལས་བྱིན་གྱི་རླབས་འདི་ཡོད་པར་གྱུར་ཏོ། །གྲོགས་པོ། བྱིན་གྱི
283b3 རླབས་འདི་ནི་རྙེད་པ་ལས་མ་གྱུར་གྱི། ཆོས་ཐམས་ཅད་མ་རྙེད་པ་ལས་བྱིན་གྱི་རླབས་འདི་ཡོད་པར་གྱུར་རོ། །གྲོགས་པོ། བྱིན་གྱི་རླབས་འདི་ནི་ལུས་དང་། ངག་དང་། སེམས་ལ
283b4 གནས་པ་ལས་གྱུར་པ་མ་ཡིན་གྱི། ཆོས་ཐམས་ཅད་ལ་མི་གནས་པ་ལས་བྱིན་གྱི་རླབས་འདི་ཡོད་པར་གྱུར་རོ། །གྲོགས་པོ། བྱིན་གྱི་རླབས་དེ་ནི་མཚན་མར་འཛིན་པ་ལས་གྱུར་པ
283b5 མ་ཡིན་གྱི། མཚན་མ་མེད་པ་ལས་བྱིན་གྱི་རླབས་འདི་ཡང་ཡོད་པར་གྱུར་ཏོ། །བྱིན་གྱི་རླབས་འདི་ནི་ཆོས་གང་ལའང་གནས་ཤིང་གནས་པ་མེད་པ་ལས་བྱིན་གྱི་རླབས་འདི་ཡོད
283b6 པར་གྱུར་ཏོ། །དེ་ནས་བྱང་ཆུབ་སེམས་དཔའ་རྡོ་རྗེའི་ལྟེ་བ་ལ་བདུད་རྣམ་པར་གནོན་པས་འདི་སྐད་ཅེས་སྨྲས་སོ། །དགེ་སློང་། ཁྱོད་ཀྱི་སེམས་ལ་ཁོ་བོས་ལོ་སྟོང་དུ་བལྟས་ན་ཁྱོད
283b7 ཀྱི་སེམས་ཀྱི་རྒྱུ་བ་མ་མཐོང་ངོ་། །དེ་ནས་དགེ་སློང་རྡོ་རྗེའི་ལྟེ་བས་འདི་སྐད་ཅེས་སྨྲས་སོ། །གལ་ཏེ་གྲོགས་པོ་ཁྱོད་ཀྱིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་སྤྱོད་ཅིང་སེམས
iiif viewer powered by OpenSeadragon
