| e-texts navigator |
| Wylie |
282b1 དགེ་སློང་དེའི་སེམས་ཀྱི་སྤྱོད་པ་ལ་གླགས་ལྟ་ཞིང་ལོ་སྟོང་དུ་རྗེས་སུ་འབྲང་བར་གྱུར་ཏོ། །དེས་ལོ་སྟོང་དུའང་དགེ
282b2 སློང་དེའི་སེམས་རྣམ་པར་གཡེང་བ་གང་གིས་སྡང་བར་འགྱུར་བ་དང་། འཚེ་བར་འགྱུར་བ་དེ་ལྟ་བུའི་སེམས་རྣམ་པར་གཡེང་བའི་སེམས་སྐྱེ་བ་གཅིག་ཀྱང་མ་མཐོང་ངོ་། །
282b3 དེ་ནས་བདུད་ཀྱི་བུ་རྣམ་པར་གནོན་པ་ལོ་སྟོང་འདས་ནས་གཡོག་འཁོར་དང་བཅས་ཏེ། ལུས་ཆེན་པོ་མངོན་པར་བསྟན་ནས་རལ་གྲི་དང་། མདའ་གཞུ་དང་། མདུང་ཐུང
282b4 དང་། མདའ་བོ་ཆེ་ལག་ན་ཐོགས་པ་རྣམས་ཀྱིས་དགེ་སློང་དེའི་མདུན་དུ་འཇིག་པ་སྟོང་པར་གྱུར་ཏོ། །དགེ་སློང་རྡོ་རྗེའི་ལྟེ་བས་བདུད་ཀྱི་འཁོར་ཆེན་པོ་རལ་གྲི་དང་། མདའ
282b5 གཞུ་དང་། མདུང་ཐུང་དང་། མདའ་བོ་ཆེ་ཐོགས་པ་རྣམས་ཀྱིས་འཇིག་པ་སྟོན་པར་མཐོང་ངོ་། །མཐོང་ནས་ཀྱང་ཚིག་འདི་སྐད་སྨྲས་སོ། །བདག་གིས་བདེན་པའི་ཚིག་གང
282b6 གིས་བདག་ཆོས་འཕགས་པ་འདི་ལ་སྦྱོར་བ་ན་ཚུལ་ཁྲིམས་ཀྱི་ཕུང་པོ་དང་། ཚུལ་བཞིན་དུ་སྦྱོར་བ་ཤིན་ཏུ་ཡོངས་སུ་དག་པ་ལྟ་ན་བདེན་བ་དང་། བདེན་པའི་ཚིག་དེས་བདུད
282b7 རྣམས་དང་། བདུད་ཀྱི་འཁོར་རྣམས་ཀྱི་རལ་གྲི་དང་། མདའ་གཞུ་དང་། མདུང་ཐུང་དང་། མདའ་བོ་ཆེ་བ་ལ་སོགས་པ་ཇི་སྙེད་ལག་ན་ཐོགས་པ་འདི་དག་མེ་ཏོག་ཨུཏྤ་ལ
iiif viewer powered by OpenSeadragon
