| e-texts navigator |
| Wylie |
267a1 ཡོན་ཏན་དེ་དག་ཀྱང་འཐོབ་པར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས་དེ
267a2 བཞིན་དུ་སྟོན་པས། གཞན་ཡང་། འདི་སྐད་ཅེས་བཀའ་སྩལ་ཏོ། །སེམས་ཅན་གང་དག་ཆོས་ནི་འདོད་པ་དང་། །ཆོས་ཀྱི་དོན་དུ་བརྩོན་འགྲུས་བསྐྱེད་པ་དཀོན། །གང་དག་ཆོས
267a3 ཀྱི་འཁོར་ལོ་སྐོར་བྱེད་པ། །དེ་དག་ཡེ་ཤེས་དམ་པ་ཐོབ་པར་འགྱུར། །གཞན་ལས་ཐོས་ནས་ཡང་དག་འཛིན་བྱེད་ཅིང་། །ཕ་རོལ་དོན་དུ་གཉེར་ལ་ཆོས་སྟོན་ལ། །ཤེས
267a4 ལྡན་དེ་དག་འཁོར་དུ་ཞུམ་པ་མེད། །བླ་མེད་བྱང་ཆུབ་མཆོག་ལ་རེག་པར་འགྱུར། །ལོག་པར་ལྟུང་རྒྱུ་བུད་མེད་རྣམ་པར་སྤངས། །རྒྱལ་སྲས་རྟག་ཏུ་ཚངས་པར་སྤྱོད་པར
267a5 འགྱུར། །ཚངས་པར་སྤྱོད་ལ་བརྟན་པར་དེ་གནས་ཤིང་། །འཁོར་ལོ་བླ་མེད་དམ་པ་སྐོར་བར་བྱེད། །བུད་མེད་རྣམས་ལ་མཚན་མ་འགའ་ཡོད་དེ། །འདི་ལྟར་སྡུག་བསྔལ
267a6 ཉམ་ཐག་སྐེམ་པར་འགྱུར། །དེ་དག་བསྟེན་ན་ཞི་བ་མེད་པ་སྟེ། །དེ་བས་ཡོངས་སུ་སྤོངས་ལ་བྱང་ཆུབ་སྤྱོད། །དེ་ནས་ཤཱཀྱའི་བུ་བདེ་བྱེད་བསྟན་པ་འདི་ཐོས་ནས་ཚིམ་ཞིང
267a7 མགུ་ལ་ཡི་རངས་ཤིང་རབ་ཏུ་དགའ་སྟེ། དགའ་བ་དང་། ཡིད་བདེ་བ་སྐྱེས་ནས་རང་གི་ལུས་ལས་རྒྱན་བཀྲོལ་ཏེ། བཅོམ་ལྡན་འདས་ག་ལ་བ་དེ་ལོགས་སུ་གཏོར་རོ། །དེ་ནས
iiif viewer powered by OpenSeadragon
