| e-texts navigator |
| Wylie |
266b1 སུམ་ཅུ་རྩ་གཉིས་མཚན་མཛེས་ཕུན་སུམ་ཚོགས། །མི་མཁས་རྟག་ཏུ་ཕུང་ཞིང་སྡང་སེམས་ལྡན། །ཕ་མ་ལ་ཡང་འདི་ན་གུས་མི་བྱེད། །ཀུན་ནས་ཉོན་མོངས་རྩ་བ་རབ་གནས
266b2 བ|་|སྐྱེས་བུ་ཐ་མའི་ཉེས་པ་འདི་རྣམས་ཡིན། །དེ་བས་རྟག་ཏུ་བཟོད་པ་ཁོ་ན་བསྟེན། །དགེ་སློང་ཆོས་སྨྲ་པ་ལ་བསྟེན་པར་བྱ། །དགེ་བའི་བཤེས་གཉེན་ཡོངས་སུ་མི་གཏོང་སྟེ། དེ
266b3 ལ་བྱང་ཆུབ་མཆོག་ནི་དཀའ་བ་མེད། །རིགས་ཀྱི་བུ། གཞན་ཡང་། བྱང་ཆུབ་སེམས་དཔའ་ཆོས་བཞི་དང་ལྡན་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག
266b4 ཅིང་ཇི་སྐད་སྨོས་པའི་ཡོན་ཏན་ཕུན་སུམ་ཚོགས་པའང་རྗེས་སུ་ཐོབ་བོ། །བཞི་གང་ཞེ་ན། རིགས་ཀྱི་བུ། འདི་ལ་ཆོས་དོན་དུ་གཉེར་བ་དང་། ཆོས་འདོད་པ་དང་། ཆོས་ཀྱི
266b5 ཀུན་དགའ་ལ་དགའ་ཞིང་མོས་པ་དང་། ཆོས་འཛིན་པ་དང་། ཆོས་སྟོན་པ་ཡིན། བུད་མེད་ཡོངས་སུ་སྤོང་ཞིང་བུད་མེད་ལ་སྟེན་པར་མི་བྱེད་པ་ཡིན། སྦྱིན་པའི་བདག་པོ་དང་།
266b6 ཀུན་བགེད་པའི་ངང་ཚུལ་ཅན་དང་། ཀུན་བགེད་པ་ལ་དགའ་བ་དང་། རྨུགས་པ་དང་། གཉིད་ཡོངས་སུ་སྤོང་བ་ཡིན། སྟོང་པ་ཉིད་ལ་མོས་པ་དང་། སྟོང་པ་ཉིད་ལ་གནས་པ་ཡིན
266b7 ཏེ|་རིགས་ཀྱི་བུ། ཆོས་བཞི་པོ་དེ་དག་དང་ལྡན་པའི་བྱང་ཆུབ་སེམས་དཔའ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་ཅིང་ཇི་སྐད་སྨོས་པའི
iiif viewer powered by OpenSeadragon
