| e-texts navigator |
| Wylie |
266a1 བདེ་བར་གཤེགས་པས་དེ་སྐད་གསུངས་ནས་དེ་བཞིན་དུ་སྟོན་པས། གཞན་ཡང་། འདི་སྐད་ཅེས་བཀའ་སྩལ་ཏོ། །ཀུན་ཏུ་སྤྱོས་ཀྱང་གཤེ་བར་མི
266a2 བྱེད་ལ། །གནོད་བྱས་གཞན་ལ་དེ་ནི་གནོད་མི་བྱེད། །དེ་ནི་མི་ལུས་སྤང་བ་བྱས་ནས་ཀྱང་། །བྱང་ཆུབ་སེམས་དཔའ་ཡོན་ཏན་དེ་དག་འཐོབ། །སྡིག་པའི་ཚིག་རྣམས་རྟག
266a3 ཏུ་སྲུང་བྱེད་ཅིང་། སྡིག་པའི་སེམས་ཀྱི་དབང་དུ་མི་འགྲོ་ལ། །སྡིག་ལས་ལོག་སྟེ་འབྲས་བུ་དེ་ཐོབ་ནས། ཡེ་ཤེས་མཆོག་ཉིད་མྱུར་དུ་ཐོབ་པར་འགྱུར། །སྐྱེ་བོ་གང་དག
266a4 འཚོག་རུང་དགའ་བྱེད་ཅིང་། །ཁྲོ་གཏུམ་གནོད་པར་སེམས་པའི་སེམས་ལྡན་རྣམས། །སངས་རྒྱས་ཡེ་ཤེས་ཡོངས་སུ་སྤོངས་ནས་སུ། །མི་མཁས་དེ་དག་སྡུག་བསྔལ་མི
266a5 བཟད་ལྡན། །དེ་ལྟ་བས་ན་གཞན་ལ་མི་འཚོག་ཅིང་། །རྒྱུ་དང་མི་རྒྱུ་རྣམས་ལ་དབྱུག་པ་སྤང་། །སེམས་ཅན་ཀུན་ལ་ཕན་ཞིང་སྙིང་བརྩེར་ལྡན། །དེས་འདིར་ཡེ་ཤེས་དམ་པ
266a6 མྱུར་དུ་འཐོབ། །སྐྱེ་བོ་རྨོངས་པ་ཁྲོས་པས་ཟིལ་ནོན་པ། །འཇིག་རྟེན་མཁས་པའི་བསྟན་ལས་དེ་རིང་སྟེ། །དེ་ནི་ལོག་ལྟ་རྣམས་ཀྱིས་ངན་འཛིན་ཡིན། །དེ་ལྟ་བས་ན
266a7 མཁས་མིས་དཀྲུག་མི་བྱ། །བྱང་ཆུབ་སེམས་དེ་པའི་གང་འདིར་མི་ཁྲོ་ཞིང་། །བདེན་པ་རྗེས་སྲུང་གཞན་ལ་མི་གནོད་པ། །སྤྱད་པ་དཀོན་པ་འདི་དག་རྫོགས་བྱས་ནས། །
iiif viewer powered by OpenSeadragon
