| e-texts navigator |
| Wylie |
251b1 བུམ་པ་མིས་འདོར་ལྟར། །འདོད་པ་སྐྱོན་དུ་བགྲང་བ་སྤོང་བྱེད་ཅིང་། །མཁས་པ་ངེས་འབྱུང་ཞི་ལ་མངོན་དགའ་སྟེ། །རྟག་ཏུ་མྱོས་མེད་དགོན་པ་སྟེན་པར་བྱེད། །ཡངས་པའི
251b2 གྲོང་ཁྱེར་མཆོག་ཏུ་གནས་ནས་སུ། །དེར་ནི་བཤད་ཚེ་གང་གིས་ང་མཐོང་ཞིང་། །དྲ་བའང་ང་ལ་མཆོད་བྱེད་མཐོང་བ་ནི། །ཕྱི་མའི་དུས་སུ་མདོ་མཆོག་འདི་འཛིན་ཏོ། །ངའི་བུ་གང
251b3 ཞིག་རྟག་ཏུ་རྗེས་འབྲང་ཞིང་། །བྱང་ཆུབ་ཞི་བ་སྤྱོད་མཆོག་སྤྱོད་པ་ན། །སེམས་ཅན་རྣམས་ནི་རྟག་ཏུ་འདུལ་བྱེད་པ། །ཕྱི་མའི་དུས་སུ་མདོ་མཆོག་འདི་འཛིན་ཏོ། །སངས་རྒྱས
251b4 འདྲེན་པ་གཞལ་མེད་དཔག་མེད་ཀྱི། །སྤྱད་པ་སྤྱོད་ཚེ་གང་གིས་རིམ་གྲོ་དང་། །དེ་བཞིན་མཆོད་པ་མཆོག་དག་བྱེད་པ་ནི། །དེ་ནི་ཁྱི་དུས་རྒྱལ་མཆོག་ཆོས་འཛིན་ཏོ། །གང་ཞིག
251b5 བསྐལ་པ་བྱེ་བར་ཚངས་སྤྱོད་ཅིང་། །འཇིག་རྟེན་མཐའ་ཡས་དོན་ནི་སྔར་སྤྱད་པ། །གང་ཞིག་ཕྱི་མའི་དུས་སུ་མདོ་སྡེ་འདི། །ཐོས་པའི་བསོད་ནམས་གྲངས་སུ་འགྱུར་མ་ཡིན། །སངས
251b6 རྒྱས་འཁྲུག་མེད་ཡང་ན་ཚེ་དཔག་མེད། །སངས་རྒྱས་གཞལ་མེད་དཔག་མེད་དེ་དག་འདིར། །སེམས་ཅན་སྙིང་པོ་གང་གིས་མཐོང་འདོད་པ། །མདོ་སྡེ་མཛེས་པ་དཔག་མེད
251b7 གཟུང་བར་གྱིས། །ཚེ་དཔག་མེད་དང་མི་འཁྲུགས་དྲི་མེད་འོད། །སེང་གེ་དང་ནི་ཏོག་དང་དེ་བཞིན་དུ། །གང་ཞིག་སངས་རྒྱས་དེ་ཀུན་མཐོང་འདོད་པ། །ཕྱི་མའི་དུས་སུ་རྒྱལ
iiif viewer powered by OpenSeadragon
