| e-texts navigator |
| Wylie |
251a1 སྣ་ཚོགས་ཀྱི། །རྒྱལ་མཚན་བྱེ་བ་ཕྲག་བརྒྱ་གངྒཱ་ཡི། །བྱེ་སྙེད་མཆོད་རྟེན་དག་ལ་འབུལ་བར་བྱེད། །སྣང་བ་མཛད་པ་ཐམས་ཅད་མཁྱེན་གཅིག་གི
251a2 མཆོད་རྟེན་གཅིག་ལ་སིལ་སྙན་བྱེ་བ་སྟོང་། །དཀྲོལ་ཅིང་གུས་པའི་མི་ནི་ས་ཡ་དག་།བྱེ་བ་ཕྲག་སྟོང་ཚང་བ་འབུལ་བར་བྱེད། །མེ་ཏོག་གདུགས་བརྒྱ་དུ་མ་མཆོད་རྟེན་ལ་འབུལ་བ།།
251a3 ཐུབ་པ་ཆེ་ལ་དེ་འདྲའི་མཆོད་པ་ཉིན་གཅིག་བཞིན། །གངྒཱའི་བྱེ་སྙེད་བསྐལ་པ་སྟོང་དུ་བྱེད་པ་བས། །གང་ཞིག་མདོ་སྡེ་འདི་ལས་ཚིགས་བཅད་གཅིག་ཐོས་ནས། །སོམ་ཉི
251a4 མེད་ཅིང་འདུན་པ་སྐྱེད་བྱེད་ལ། །རྒྱལ་བའི་མཚན་འདི་དག་ཀྱང་རྗོད་བྱེད་ན། །དེ་བས་བསོད་ནམས་འདི་ནི་བླ་མེད་མཆོག་།མཁས་པ་ཏིང་ངེ་འཛིན་གྱི་མིང་ཐོས་ཤིང་། །
251a5 ཚུལ་ཁྲིམས་སྐྱོན་མེད་མཚན་འདི་འཛིན་པ་དང་། །དེ་བཞིན་སངས་རྒྱས་ལ་ནི་མཆོད་བྱེད་པ། །དེས་ནི་གངྒཱའི་བྱེ་སྙེད་སངས་རྒྱས་མཐོང་། །ཐུབ་ཆེན་རྐང་གཉིས་མཆོག་གྱུར
251a6 དེ་དག་ལ། །མཆོད་པ་དམ་པའང་ཡིད་ཀྱིས་བྱས་ནས་ནི། །རྟག་ཏུ་མྱོས་མེད་ཆོས་ཀྱང་སྟོན་བྱེད་ཅིང་། །བསྐལ་པ་བྱེ་བ་དེ་ནི་རྨོངས་མེད་འགྱུར། །འཇིག་རྟེན་མགོན་པོས
251a7 མདོ་མཆོག་རྒྱལ་པོ་འདི། །སྟོན་པའི་ཚེ་ན་གང་གིས་སྔོན་མཐོང་བ། །རྒྱལ་བ་མཆོག་ལས་འདི་ནི་ཐོས་གྱུར་ནས། །ཕྱི་མའི་དུས་སུ་དེ་ནི་དགའ་བས་འཛིན། །དྲི་ང་ཕྱི་སའི
iiif viewer powered by OpenSeadragon
