| e-texts navigator |
| Wylie |
250b1 ཅན་གང་དག་འཁོད་དེ་དག་། སངས་རྒྱས་ཡེ་ཤེས་ལྡན་གྱུར་ལ། །གངྒཱ་ཡི་ནི་བྱེ་མ་སྙེད། །བསྐལ་པ་དུ་མ་བརྒྱ་དག་ཏུ། །རིམ་གྲོ་དག་ནི་བྱེད་པ་དང་། །ཇི་ལྟར་སྟོང་ཆེན་གྱི་ནི་འཇིག
250b2 རྟེན་ཁམས། །དེ་སྙེད་དག་གི་གཙུག་ལག་ཁང་མཆོག་ནི། །དབུལ་བྱ་ལྷ་ཡི་ཙནྡན་དག་ལས་བྱས། །ལྷ་ཡི་གཙུག་ལག་ཁང་མཆོག་རེ་རེ་ལའང་། །བྱེ་བ་ཕྲག་སྟོང་དག་གི་ཁང
250b3 བཟང་བྱས། །བྱེ་བ་ཕྲག་སྟོང་དག་གི་ཁང་བཟང་ཡང་། །དབུལ་བྱ་ལྷ་ཡི་རིན་ཆེན་དག་ལས་བྱས། །རེ་རེའི་ཁྲི་དག་བཤམས་ནས་རིམ་གྲོ་བ། །བྱེ་བ་ཕྲག་བརྒྱ་ཤིན་ཏུ་ཚང་བར་བཀོད།།
250b4 མཁས་པས་དེ་ནི་རིན་ཆེན་དྲ་བ་དག་།བླངས་ནས་དེ་ཚེ་ཁྲི་དེ་བརྒྱན་པ་རྣམས། །གངྒཱའི་བྱེ་སྙེད་བསྐལ་པ་བྱེ་བ་བརྒྱར། །ཐུབ་ཆེན་འཇིག་རྟེན་སྤྱོད་པ་བཞུགས་པ་ཡི། །སངས་རྒྱས
250b5 གཅིག་ལ་འབུལ་བྱ་དབུལ་བ་དང་། །ཇི་ལྟར་གངྒཱའི་ཀླུང་གི་བྱེ་མ་སྙེད། །ཡོངས་སུ་མྱ་ངན་འདས་ཀྱི་མཆོད་རྟེན་བྱས། །ཇི་ལྟར་སྟོང་ཆེན་འཇིག་རྟེན་ཁམས་རྣམས་སུ། །སངས
250b6 རྒྱས་གཅིག་གི་མཆོད་རྟེན་བྱས་པ་ནི། །རིན་ཆེན་རང་བཞིན་ལྷ་ཡི་སྒོ་སྟོང་ལྡན། །ཤིན་ཏུ་ལེགས་པར་སྲིད་པའི་རྩེ་སྲིད་མཐོ། །ཇི་ལྟར་གངྒཱའི་ཀླུང་གི་བྱེ་སྙེད་ཀྱི། །གདུགས་ནི
250b7 མཆོད་རྟེན་གཅིག་ལ་འབུལ་བར་བྱེད། །དེ་ཚེ་རེ་རེ་གདུགས་ལ་མུ་ཏིག་གི། རྒྱན་ཕྲེང་བྱ་བ་རྣམས་ཀྱང་ཤིན་ཏུ་བཀྲམ། །ཇི་ལྟར་གངྒཱའི་ཀླུང་གི་བྱེ་མ་སྙེད། །བྱེ་བའི་འཕན་དང་རིན་ཆེན
iiif viewer powered by OpenSeadragon
