| e-texts navigator |
| Wylie |
249a1 བ་དག་ཏུ་གོ་བར་བྱས། །དེ་ཡི་ཚེ་ན་སེམས་ཅན་ནི། །བྱེ་བ་གྲངས་མེད་ཀུན་ནས་ལྷགས། །དེ་དག་རྫོགས་པའི་སངས་རྒྱས་ཀྱིས། །སངས་རྒྱས་ཡེ་ཤེས
249a2 བླ་མེད་བཀོད། །དེ་ཚེ་གཞོན་ནུ་དགའ་གྱུར་ནས། །ཙནྡན་སྦྲུལ་གྱི་སྙིང་པོ་ཡི། །གདན་འབུལ་རིན་ཆེན་ཕྱེ་མ་ཡིས། །གཞོན་ནུ་སངས་རྒྱས་གཙོ་ལ་མཆོད། །ནོར་བུ་རིན་ཆེན
249a3 འོད་གཅིག་ནི། །འཇིག་རྟེན་སྟོང་དུ་གཏོང་བར་བྱེད། །རིན་ཆེན་གཅིག་ལས་འོད་ཟེར་ནི། །སྟོང་ཕྲག་བྱེ་བར་གཏོང་བར་བྱེད། །དེ་བཞིན་རིན་ཆེན་མ་ལུས་ལ། །འོད་ཟེར་དག་ནི་བྱུང
249a4 བར་གྱུར། །དེ་དག་གིས་ནི་དེ་ཡི་ཚེ། །ཡངས་པ་ཅན་ཡང་སྣང་བར་བྱས། །རིན་ཆེན་རྣམ་པ་དེ་སྙེད་ཀྱིས། །སངས་རྒྱས་གཙོ་ལ་མཆོད་བྱེད་ཅིང་། །རིན་པོ་ཆེ་ཡི་ཕུང་པོ་ཡང་། །ཐུབ་པ་ཆེ
249a5 ལ་འབུལ་བར་བྱེད། །གདུགས་ནི་གང་དག་མུ་ཁྱུད་བྱས། །མུ་ཏིག་ཕྲེང་གིས་ཡོངས་བརྒྱན་པ། །རེ་རེ་ལ་ཡང་མུ་ཁྱུད་ཅན། །སྟོང་ཕྲག་ཉི་ཤུ་རྩ་ལྔའོ། །འདི་འདྲའི་ལགས་པ
249a6 དེ་ཡི་ནི། །ཐུབ་པ་ཆེ་ལ་མཆོད་པ་བྱས། །བྱང་ཆུབ་སེམས་དཔའ་ཐམས་ཅད་ལ། །གསེར་ཐགས་ཀྱི་ནི་གོས་ཕུལ་ལོ། །བྱང་ཆུབ་ཤིང་དག་སྤྲུལ་ནས་སུ། །དེའི་དྲུང་སེང་གེའི
249a7 ཁྲི་བཤམས་ལ། །སྟོང་ཕྲག་བྱེ་བ་ཉི་ཤུ་ལྔ། །དེ་རྣམས་ལ་ནི་འཁོད་གྱུར་པ། །ལོ་ནི་བྱེ་བ་གྲངས་སྙེད་པར། །བགྲང་བ་དག་ཏུ་མི་ཆོད་པའི། །བྱང་ཆུབ་སེམས་དཔའ་ཐམས་ཅད་ནི།།
iiif viewer powered by OpenSeadragon
