| e-texts navigator |
| Wylie |
248b1 ལྡན་འདས་ཀྱི་བྱིན་གྱིས་རླབས་ཀྱིས་ཀྱང་ཆོ་འཕྲུལ་བྱེ་བ་ཁྲག་ཁྲིག་འབུམ་ཕྲག་དུ་མ་དག་རབ་ཏུ་བསྟན་ཏོ། །དེ་ལ་འདི་སྐད་ཅེས་བྱ་སྟེ། བྱེ་བ་བརྒྱ་ཕྲག་དུ་མ་ཡི། །ལྷ་རྣམས་ཁོ
248b2 ར་ཁོར་ཡུག་ནས། །ཙནྡན་དམར་པོ་ཞིབ་མོ་ཡིས། །རྫོགས་སངས་རྒྱས་ལ་འཐོར་བར་བྱེད། །བརྒྱ་བྱིན་བྱེ་བ་ཕྲག་སྟོང་དག་།མཁའ་ལ་གནས་ནས་ཛམྦུ་ཡི། །ཆུ་བོའི་གསེར་ཕྱེ
248b3 མང་པོ་ཡིས། །དེ་བཞིན་གཤེགས་ལ་འཐོར་བར་བྱེད། །ཚངས་པ་བྱེ་བ་ཉེར་ལྷགས་ནས། །ཙནྡན་དམར་པོའི་ཕྱེ་མ་ཡིས། །རྫོགས་སངས་རྒྱས་ལ་འཐོར་བྱེད་ཅིང་། །སྒྲ་དབྱངས
248b4 སྙན་པ་ཀུན་ཏུ་སྒྲོགས། །དྲི་མ་མེད་པའི་འོད་རིག་ནས། །ནམ་མཁའ་ལ་ནི་ལྷ་འཁོང་དོ། །གླུ་དབྱངས་དཔག་ཏུ་མེད་པ་ལེན། །མཁའ་ལ་རས་ཀྱིས་གཡོབ་པར་བྱེད། །ནམ་མཁའ་ལ
248b5 ནི་ལྷ་འཁོད་དེ། །པདྨ་བརྒྱ་ཕྲག་སྟོང་བླངས་ནས། །འཇིག་རྟེན་གསལ་ལ་སྟོན་བྱེད་ཅིང་། །རྒྱལ་མཚན་ལ་སོགས་མཆོད་པ་བྱེད། །ཟླ་མེད་རྒྱལ་མཆོག་ཐུབ་དབང་ལ། །རབ་ཏུ
248b6 ཡིད་དགས་ཕྱག་འཚལ་ཞིང་། །བསྟོད་བྱེད་ནོར་བུ་རིན་ཆེན་དང་། །མུ་ཏིག་རྒྱན་ཕྲེང་འཐོར་བར་བྱེད། །མི་ནི་བྱེ་བ་འབུམ་ཐམ་པ། །རྒྱལ་མཆོག་ཟླ་མེད་པ་ལ་མཆོད། །སྔོན་གྱི
248b7 གནས་བརྒྱ་རྗེས་དྲན་ཞིང་། །ཐུབ་མཆོག་ཟླ་མེད་མགོས་ཕྱག་འཚལ། །དེ་ནས་འཇིག་རྟེན་སྣང་མཛད་པས། །ཆོས་ཀྱི་རྔ་ནི་རབ་བརྡུངས་ཏེ། །དེ་ཡི་སྒྲས་ནི་ཞིང་རབ་མང་། །བྱེ
iiif viewer powered by OpenSeadragon
