| e-texts navigator |
| Wylie |
229a1 ནས|་ཕ་སྟོབས་མཐའ་ཡས་ལ་སྨྲས་པ། ཡབ། མདང་སུམ་ལྷའི་བུ་ཡོངས་སུ་དགའ་ལྡན་དགའ་ལྡན་གྱི་གནས་ནས་བབས་ནས་བདག་ལ་ཚིགས་སུ་བཅད
229a2 པའི་དབྱངས་ཀྱིས་བསྐུལ་བ་བགྱིས་པར་གྱུར་ཏོ། །འདི་ལྟ་སྟེ། དེ་བཞིན་གཤེགས་པ་ལ་མཆོད་པ་བགྱི་བའི་ལས་བརྩམ་པའི་སླད་དུ་ཡབ་ལ་བདག་གསོལ་བར་བགྱིད་དོ། །དེ་ནས་ལི
229a3 ཙ་བཱི་གཞོན་ནུ་རིན་ཆེན་དྲ་བ་ཅན་གྱིས། ཕ་སྟོབས་མཐའ་ཡས་ལ་ཚིགས་སུ་བཅད་དེ་སྨྲས་པ། སེམས་ཅན་ཀུན་གྱི་དེད་དཔོན་རྫོགས་སངས་རྒྱས། །འཇིག་རྟེན་མཁས་པ་བསམ
229a4 ཡས་བདག་ཉིད་ཆེ། །སྐྱོབ་པ་དེ་ལ་ཁྱོད་ཀྱིས་མཆོད་དོན་མཛོད། །འདྲེན་པ་དེ་ནི་འཇིག་རྟེན་འབྱུང་བར་དཀའ། །ཇི་ལྟར་ཨུ་དུམ་བཱ་རའི་མེ་ཏོག་ནི། །མདོག་ལྡན་མཛེས་ཤིང་ཤིན
229a5 ཏུ་དྲི་ཞིམ་ལ། །དྲི་ངད་ལྡན་ཞིང་རྡུལ་བཅོམ་ཉོན་མོངས་མེད། །དེ་འདྲའི་མེ་ཏོག་མཆོག་ནི་རྙེད་པར་དཀའ། །དེ་ཕྱིར་བདག་གི་ཡབ་ལ་གསོལ་འདེབས་པ། །དེ་ནི་དགྱེས་པའི་ཐུགས
229a6 ཀྱིས་བདག་ལ་གནང་། །གང་ཞིག་འཇིག་རྟེན་མགོན་པོ་འོད་མཛད་པ། །དོན་དམ་གཟིགས་པ་ལ་ནི་མཆོད་པར་བགྱིད། །ལི་ཙ་བཱི་སྟོབས་མཐའ་ཡས་སེམས་དགའ་བས། ལི་ཙ
229a7 བཱི་སེང་གེ་ཞེས་བྱ་བ་ལ་སྨྲས་པ། དེད་དཔོན་རྒྱལ་བ་ལ་ནི་མཆོད་མཛད་དེ། །བདག་གི་གཞོན་ནུ་བསྟན་ལ་གནས་པར་མཛོད། །འདྲེན་པ་ཤཱཀྱ་སེང་གེ་མཆོད་པ་དང་། །གཞོན་ནུ་མཆོག
iiif viewer powered by OpenSeadragon
