| e-texts navigator |
| Wylie |
228a1 དང་|་སྐྱེ་བ་བཞིས་ཐོགས་པ་རྣམས་དང་། སྐྱེ་བ་ལྔས་ཐོགས་པ་རྣམས་དང་། སྐྱེ་བ་བཅུས་ཐོགས་པ་རྣམས་དང་། སུམ་ཅུ་དང་། བཞི་བཅུ་དང་། སྐྱེ་བ་སྟོང་གི
228a2 བར་རྣམས་ཀྱིས་ཐོགས་པའི་བྱང་ཆུབ་སེམས་དཔའ་བྱེ་བ་ཕྲག་བཞི་བཅུ་རྩ་གཉིས་དང་། དགྲ་བཅོམ་པ་བྱེ་བ་ཕྲག་དྲུག་ཅུ་དང་། ལྷ་བྱེ་བ་ཕྲག་དགུ་བཅུ་རྩ་དགུ་ལ་འདོད་པ་ན་སྤྱོད་པ
228a3 དང་|་གཟུགས་ན་སྤྱོད་པའི་ལྷའི་བུ་རྣམས་དང་། རྒྱལ་པོ་ཆེན་པོ་བཞི་དང་། ལྷའི་དབང་པོ་བརྒྱ་བྱིན་དང་། མི་མཇེད་ཀྱི་བདག་པོ་ཚངས་པ་དང་། ལྷའི་བུ་ཤིན་ཏུ་དཔལ་བཟང་ལྡན་དང་།
228a4 ལྷའི་བུ་ཟླ་བའི་འོད་དང་། ལྷའི་བུ་ཉི་མའི་འོད་དང་། ལྷའི་བུ་གྲགས་པའི་ཏོག་དང་། ལྷའི་བུ་མངོན་པར་དགའ་བ་དང་། དེ་དག་དང་། གཞན་ཡང་། ལྷ་བྱེ་བ་ཕྲག་དགུ་བཅུ་རྩ་དགུ་དང་། ཀླུའི
228a5 རྒྱལ་པོ་མ་དྲོས་པ་དང་། ཀླུའི་རྒྱལ་པོ་རྒྱ་མཚོ་དང་། ཀླུའི་རྒྱལ་པོ་ནོར་རྒྱས་ཀྱི་བུ་དང་། གཟི་ཅན་དང་། ཀླུའི་རྒྱལ་པོ་དགའ་བོ་དང་། ཉེ་དགའ་བོ་དང་། ཀླུའི་རྒྱལ་པོ་བཏང་ཟུང་དང་།
228a6 ཀླུའི་རྒྱལ་པོ་བཏང་ཟུང་ཆེན་པོ་དང་། ལྷ་མ་ཡིན་གྱི་དབང་པོ་སྒྲ་གཅན་དང་། ལྷ་མ་ཡིན་གྱི་དབང་པོ་ཐམས་ཅད་ཀྱི་འཁོར་དང་ཡང་ཐབས་གཅིག་གོ་།དེའི་ཚེ་གྲོང་ཁྱེར་ཆེན་པོ་ཡངས་པ་ཅན
228a7 ན་དེད་དཔོན་སེང་གེའི་བུ་ལི་ཙ་བཱི་སྟོབས་མཐའ་ཡས་ཞེས་བྱ་བ་ཞིག་གནས་སོ། །དེའི་ཚེ་སེང་གེའི་བུ་སྟོབས་མཐའ་ཡས་དེའི་བུ་གཞོན་ནུ་ལི་ཙ་བཱི་རིན་ཆེན་དྲ་བ་ཅན་ཞེས་བྱ་བ་སངས་རྒྱས
iiif viewer powered by OpenSeadragon
