| e-texts navigator |
| Wylie |
169a1 མཁས་པ་དེ་དག་ནི། །བྱང་ཆུབ་སྙིང་པོར་དབང་བསྐུར་འབྲས་ཕྱིར་ཉིན་མཚན་སྤྱོད། །ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས
169a2 བཞི་དང་ལྡན་ལྟ་བའི་རྣམ་པ་དང་བྲལ་ཞིང་རྟེན་ཅིང་འབྲེལ་བར་འབྱུང་བ་ལ་མཁས་པ་རྣམས་ཡིན་ཏེ། བཞི་གང་ཞེ་ན། ཆད་པར་སྨྲ་བ་མ་ཡིན་པ་དང་། རྟག་པར་སྨྲ་བ
169a3 མ་ཡིན་པ་དང་། མ་རིག་པ་བྱང་ན་རྒ་ཤིའི་བར་དུ་འབྱུང་བར་ལྟ་ཞིང་བདག་ཏུ་ལྟ་བར་མི་བྱེད་པ་དང་། མ་རིག་པ་འགགས་ན་རྒ་ཤིའི་བར་དུ་འགགས་པར་ལྟ་ཞིང་སྲིད་པ
169a4 འགོག་པར་ཡང་མི་བྱེད་པ་སྟེ། ཆོས་བཞི་པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། ནམ་ཡང་རྟག་པར་མི་ལྟ་ཆད་པར་ལྟུང་མི་བྱེད། །དེས་ནི་ཆོས་རྣམས་རྐྱེན་བྱུང་བྱེད་པ
169a5 པོ་དང་ནི། །ཚོར་བ་པོ་མེད་རང་བཞིན་རྣམ་པར་དག་པར་ཤེས། །མ་རིག་རྩ་ལས་རྒ་ཤིའི་བར་དུ་འབྱུང་འགྱུར་བ། །རྒྱལ་བ་ཀུན་གྱིས་གསུངས་ཏེ་དེ་འགགས་རྒྱུ་དང་ནི། །
169a6 རྐྱེན་ཟད་དེ་ཕྱིར་ཕྱིན་ཆད་སྐྱེ་མི་འགྱུར་ཞེས་གསུངས། །ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་སེམས་ཅན་ཡོངས་སུ་སྨིན་པར་བྱ་བའི
169a7 ཐབས་ལ་མཁས་པ་རྣམས་ཡིན་ཏེ། བཞི་གང་ཞེ་ན། བྱང་ཆུབ་སེམས་དཔའ་སེམས་ཅན་ཐམས་ཅད་ལ་རག་ལས་པར་ལྟ་བ་དང་། དགེ་བའི་རྩ་བ་ཡང་དག་པར་བསགས་པ་ལ་སྐྱོ་བ
iiif viewer powered by OpenSeadragon
