| e-texts navigator |
| Wylie |
168b1 ཉོན་མོངས་པ་རྣམས་ཡོངས་སུ་ཤེས་པ་དང་། མྱ་ངན་ལས་འདས་པའི་རང་བཞིན་ཅན་གྱི་ཆོས་ཐམས་ཅད་ལ་ནེམ་ནུར་མེད་པ་སྟེ། ཆོས་བཞི་པོ་དེ་དག་དང་ངོ་། །དེ་ལ་འདི་སྐད་ཅེས
168b2 བྱ་སྟེ|་སེམས་མཉམ་ཆོས་ཀྱི་དབྱིངས་སུ་ངེས་པར་བྱུང་གྱུར་ཅིང་། །དེ་དག་རྣམས་ཀྱིས་སྒྲིབ་པ་འགའ་ཡང་མཐོང་མི་འགྱུར། །ཉོན་མོངས་ཀུན་ཏུ་རྟོག་པའི་རྩ་ལས་རབ་བྱུང་བར།།
168b3 ཤེས་ནས་དེ་ལས་སྣརེལ་ཞིར་ཀུན་ཏུ་སྟོན་མི་བྱེད། །ཆོས་འདི་ཐམས་ཅད་རང་བཞིན་མྱ་ངན་འདས་པ་དང་། །མ་སྐྱེས་མ་འགག་ངོ་བོ་ཉིད་ཀྱིས་དག་པ་ཡིན། །དེ་དག་ཀུན་མཁྱེན་ཡོངས
168b4 བཙལ་མྱ་ངན་འདས་གྱུར་ནས། །ལྷག་པའི་ང་རྒྱལ་ཅན་དག་ཚར་གཅོད་བྱེད་པ་ཡིན། །ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་ལས་ཀྱི་བྱ་བ་ཐམས
168b5 ཅད་ཀྱི་རྒྱུ་ལ་མཁས་པ་རྣམས་ཡིན་ཏེ། བཞི་གང་ཞེ་ན། ལོངས་སྤྱོད་ཆེན་པོའི་རྒྱུ་སྦྱིན་པ་མི་སྤོང་བ་དང་། མཐོ་རིས་སུ་སྐྱེ་བའི་རྒྱུ་ཚུལ་ཁྲིམས་མི་སྤོང་བ་དང་། ཤེས་རབ་ཆེན་པོའི་རྒྱུ
168b6 ཐོས་པ་མི་སྤོང་བ་དང་། བྲལ་བའི་རྒྱུ་སྒོམ་པ་མི་སྤོང་བ་སྟེ། ཆོས་བཞི་པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། ལོངས་སྤྱོད་ཆེ་རྒྱུ་སྦྱིན་པ་མི་སྤོང་དེའི་འབྲས་དེ། །མཐོ་རིས་སྐྱེ
168b7 རྒྱུ་ཚུལ་ཁྲིམས་ཐོབ་ཅིང་དེའི་འབྲས་དེ། །ཤེས་རབ་ཉོན་མོངས་འཇོམས་རྒྱུ་ཐོས་པ་དེའི་འབྲས་དེ། །རྣམ་གྲོལ་རིག་རྒྱུ་སྒོམ་པར་བྱེད་ཅིང་དེ་འབྲས་དེ། །རྒྱུ་བཞི་དེ་ལ་རྟོག་བརྩོན
iiif viewer powered by OpenSeadragon
