| e-texts navigator |
| Wylie |
168a1 མ་འདྲེས་པས་རྣམ་པར་ཐར་པའི་སྒོར་ཞུགས་པ་རྣམས་ཡིན་ཏེ། བཞི་གང་ཞེ་ན། སྟོང་པ་ཉིད་སྤྱོད་ཡུལ་དུ་གྱུར་ཅིང་། ལྟ་བའི་འཆིང་བས་བཅིངས
168a2 པའི་སེམས་ཅན་རྣམས་ཐར་བར་བྱེད་པ་དང་། མཚན་མ་མེད་པ་ལ་གནས་ཤིང་རྣམ་པར་རྟོག་པ་སྤྱོད་པ་རྣམས་ཡོངས་སུ་མྱ་ངན་ལས་འདའ་བར་བྱད་པ་དང་། སྨོན་པ་མེད་པ
168a3 ལ་གནས་ཞིང་སེམས་ཅན་ཡོངས་སུ་སྨིན་པར་བྱ་བའི་ཕྱིར་བསམ་བཞིན་དུ་སྐྱེ་བ་ལེན་པ་དང་། ཐབས་ལ་མཁས་ཤིང་ཤེས་རབ་ཀྱི་ངེས་པར་བྱུང་བ་སྟེ། ཆོས་བཞི་པོ་དེ་དག་དང
168a4 ངོ|་|དེ་ལ་འདི་སྐད་ཅེས་བྱ་སྟེ། སྟོང་ཉིད་སྤྱོད་ཡུལ་དེ་དག་ལྟས་བཅིང་གྲོལ་བྱེད་ཅིང་། །མཚན་མེད་གནས་ཤིང་སེམས་ཅན་འདི་དག་ཡོངས་སྨིན་བྱེད། །སྨོན་པ་མེད་ལ་གནས
168a5 ཤིང་སེམས་ཅན་སྨིན་བྱའི་ཕྱིར། །བསམ་བཞིན་སྐྱེ་ཞིང་གང་དུ་འདོད་པ་དེར་སྐྱེ་འགྱུར། །ཤེས་རབ་ཐབས་ཀྱིས་ངེས་བྱུང་རྣམ་ཐར་སྒོར་གནས་ཀྱང་། འདུས་མ་བྱས་པའི་དབྱིངས
168a6 ནི་དུས་མིན་ཐོབ་མི་བྱེད། །ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་ལྷག་པའི་ང་རྒྱལ་ཅན་ཚར་གཅོད་པའི་ཕྱིར་སྣརེལ་ཞིར་བསྒྲུབ་པ་ལ་མཁས
168a7 པ་རྣམས་ཡིན་ཏེ། བཞི་གང་ཞེ་ན། ཆོས་ཀྱི་དབྱིངས་ཀུན་ནས་སྒོ་ཡང་དག་པར་ཤེས་པ་དང་། ཆོས་ཐམས་ཅད་སྒྲིབ་པ་མེད་པར་མོས་པ་དང་། ཀུན་ཏུ་རྟོག་པའི་རྩ་བ་ལས་བྱུང་བའི
iiif viewer powered by OpenSeadragon
