| e-texts navigator |
| Wylie |
167b1 སུ་ཤེས་གྱུར་ཅིང་། །སེམས་ཅན་སེམས་ཅན་མེད་པར་རྗེས་སུ་རྟོགས་གྱུར་ལ། །ཆོས་རྣམས་དབེན་པ་ཉིད་དུ་ཡོངས་སུ་ཤེས་གྱུར་ཅིང་། །མཁའ་ལ་ལག་བཞིན་ཤེས་རབ་ཆགས་པ་ཡོད
167b2 མིན་པའི། །དཔའ་རྣམས་ཟབ་མོ་དག་ལ་ཡོངས་སུ་སྤྱོད་བྱེད་ལ། །སྤྱད་པ་མེད་ལ་རྟག་ཏུ་སྤྱོད་པར་བྱེད་གྱུར་ཅིང་། །འཛིན་དང་ཀུན་འཛིན་ཀུན་དང་རྣམ་པར་བྲལ་གྱུར་པས། །སེམས་ཅན
167b3 དག་པ་དེ་དག་དེ་ཕྱིར་གཏིང་དཔག་དཀའ། །ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་ཆོས་སྟོན་པས་དབང་པོ་རྣམས་ལ་མཁས་པ་རྣམས་ཡིན་ཏེ། བཞི
167b4 གང་ཞེ་ན། མངོན་པར་ཤེས་པ་ཐོབ་པ་དང་། སོ་སོ་ཡང་དག་པར་རིག་པ་ཤེས་པ་དང་། ཤེས་རབ་རྣོ་བ་དང་། སྔོན་གྱི་སྨོན་ལམ་རྣམ་པར་དག་པ་སྟེ། ཆོས་བཞི་པོ་དེ་དག་དང་ངོ་། །
167b5 དེ་ལ་འདི་སྐད་ཅེས་བྱ་སྟེ། མངོན་པར་ཤེས་པ་རྣམས་ནི་རབ་ཏུ་ཐོབ་གྱུར་ཅིང་། །ཤེས་པས་སོ་སོ་ཡང་དག་རིག་པས་མི་ཟད་གྱུར། །རྟག་ཏུ་ཤེས་རབ་རྣོན་པོར་གྱུར་ཅིང་སྔོན་ཡང་ནི། །ཡང
167b6 དག་བསགས་པ་ཡོངས་སུ་དག་པ་ཐོབ་གྱུར་པ། །སེམས་ཅན་རྣམས་ཀྱི་དབང་པོ་ཡོངས་སུ་ཤེས་བྱས་ནས། །དེ་དང་འདྲ་བའི་ཆོས་རྣམས་ཡོངས་སུ་སྟོན་པར་བྱེད། །དེ་དག་བསྟན་པ
167b7 འབྲས་བུ་མེད་པ་མ་ཡིན་ཏེ། །དེ་ཕྱིར་མྱ་ངན་འདས་ནས་མྱ་ངན་འདའ་བར་བྱེད། །ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་འདུས་མ་བྱས་དང
iiif viewer powered by OpenSeadragon
