| e-texts navigator |
| Wylie |
167a1 མི་གོས་པ་རྣམས་ཡིན་ཏེ། །བརྒྱད་གང་ཞེ་ན། རྙེད་པ་དང་། སྙན་པ་དང་། བསྟོད་པ་དང་། བདེ་བས་ཁེངས་པ་མེད་པ་དང་། མ་རྙེད་པ་དང་། མི་སྙན་པ་དང་།
167a2 སྨད་པ་དང་། སྡུག་བསྔལ་གྱིས་ཞུམ་པ་མེད་པ་དང་། སེམས་ཅན་ཡོངས་སུ་སྨིན་པར་བྱ་བའི་ཕྱིར་ཕུང་པོ་རྣམས་ལ་ཡོངས་སུ་སྤྱོད་པར་བྱེད་པ་དང་། ཕུང་པོ་ཡོངས་སུ་ཤེས
167a3 པ་སྲུང་ཞིང་དབེན་པར་ལྟ་བ་སྟེ། ཆོས་བརྒྱད་པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། རྙེད་དང་སྙན་དང་བསྟོད་དང་བདེ་བ་ཀུན་ཐོབ་ཀྱང་། །དེ་དག་ལ་ནི་ནམ་ཡང་ཁེངས་པར
167a4 འགྱུར་བ་མེད། །མ་རྙེད་མི་སྙན་སྨད་དང་སྡུག་བསྔལ་ཐོབ་གྱུར་ཀྱང་། །དེ་དག་པདྨ་བཞིན་དུ་ཆགས་མེད་འཇིག་རྟེན་སྤྱོད། །སེམས་ཅན་སྨིན་པར་བྱ་ཕྱིར་ཕུང་པོ་ཡོངས་སུ་སྤྱོད་ཅིང་། །
167a5 ཕུང་པོ་སྒྱུ་མ་གསོག་འདྲ་ཡ་མ་བརླར་ཤེས་པ། །སེམས་ཅན་ཕན་བདེའི་དོན་དུ་འཇིག་རྟེན་སྤྱོད་བྱེད་ཀྱང་། །འཇིག་རྟེན་ཆོས་ཀྱིས་མི་གོས་ཚུལ་ཁྲིམས་སྤོས་ངད་ལྡན། །ལྷའི་བུ། བྱང
167a6 ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་གཏིང་དཔག་དཀའ་ཞིང་ཟབ་མོ་ལ་སྤྱོད་པ་རྣམས་ཡིན་ཏེ། བཞི་གང་ཞེ་ན། བདག་ལ་བདག་མེད་པ་དང་། སེམས
167a7 ཅན་ལ་སེམས་ཅན་མེད་པ་དང་། ཆོས་དབེན་པ་དང་། ཤེས་པ་ཆགས་པ་མེད་པ་སྟེ། ཆོས་བཞི་པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། བདག་ལ་བདག་མེད་ཉིད་དུ་ཡོངས
iiif viewer powered by OpenSeadragon
