| e-texts navigator |
| Wylie |
166b1 རྟག་ཏུ་སྙིང་རྗེ་ལྡན། །དཀོན་མཆོག་གསུམ་རྒྱུན་མི་གཅོད་བརྩོན་འགྲུས་ཐོབ་གྱུར་ཅིང་། །ཀུན་ཏུ་ཐབས་ལྡན་ཕ་རོལ་ཕྱིན་པ་དྲུག་ལ་འཇུག་།དེ་ལྟར་སྤྱོད་མཁས་བློ་ལྡན་ཆེ་བདག་ཡིད་གཞུངས་པ། །
166b2 དེ་དག་བདུད་བཞི་དག་ལས་ཡང་དག་འདས་གྱུར་ཅིང་། །བདུད་ཀྱི་ལྕགས་ཀྱུས་ཟིན་པའི་འགྲོ་བ་མགོན་མེད་རྣམས། །མྱ་ངན་འདའ་བར་འགྲོ་བའི་ལམ་ལ་འགོད་པར་བྱེད། །ལྷའི་བུ། བྱང
166b3 ཆུབ་སེམས་དཔའ་སེམས་དཔའ་ཆེན་པོས་ཆོས་བཞི་དང་ལྡན་ན་བློས་གཏིང་དཔག་དཀའ་བ་རྣམས་ཡིན་ཏེ། བཞི་གང་ཞེ་ན། ཆོས་ཟབ་མོའི་ཚུལ་ལ་འཇུག་པ་དང་། རྟག་ཏུ་དོན་དང་ལྡན
166b4 ཞིང་བསྙེན་པར་དཀའ་བ་དང་། རྟག་ཏུ་ཡིད་བྱུང་ཞིང་ཆོས་སེམས་པར་བྱེད་པ་དང་། སངས་རྒྱས་ཀྱི་ཡེ་ཤེས་སྒྲིབ་པ་མེད་པ་ལ་སེམས་ཀྱིས་ངེས་པར་རྟོགས་པར་བྱེད་པ་སྟེ། ཆོས་བཞི་པོ་དེ
166b5 དག་དང་ངོ་། །དེ་ལ་འདི་སྐད་ཅེས་བྱ་སྟེ། ཟབ་མོའི་ཆོས་ཀྱི་ཚུལ་ལ་ཞུགས་པར་གྱུར་པ་དང་། །རྟག་ཏུ་དོན་དང་ལྡན་ཞིང་བསྙེན་པར་དཀའ་འགྱུར་ལ། །རྟག་ཏུ་ཡིད་བྱུང་ཆོས་ལ་བསམ་པ་ཞུགས
166b6 གྱུར་ཅིང་། །སེམས་ཀྱིས་ངེས་པར་རྟོགས་པར་བྱེད་པ་གང་ཡིན་པའི། །མཁས་པ་ཐེག་པ་ཆེ་ལ་བརྟེན་པ་རབ་གནས་པ། །བློ་རྣམས་དག་གིས་གཏིང་དཔག་དཀའ་བར་རབ་འགྱུར་ཞིང་། ཆགས་པ་མེད
166b7 པའི་ཡེ་ཤེས་ཡང་དག་སྒྲུབ་བྱེད་པ། །དེ་ཕྱིར་བློ་རྣམས་དག་གིས་གཏིང་དཔག་དཀའ་བ་ཡིན། །ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། འཇིག་རྟེན་གྱི་ཆོས་བརྒྱད་ཀྱིས
iiif viewer powered by OpenSeadragon
