| e-texts navigator |
| Wylie |
165b1 ཡོངས་སུ་མྱ་ངན་ལས་འདས་ཤིང་སེམས་ཅན་གཞན་དག་དུལ་བར་བྱ་བ་དང་། བསྲུང་བ་དང་། དགྲོལ་བ་དང་། གདུལ་བ་དང་། ཡོངས་སུ་མྱ་ངན་ལས་འདའ་བའི་ཕྱིར་ཆོས
165b2 སྟོན་པར་བྱེད་པ་དང་། བདག་ཉིད་ཡང་དག་པར་རྫོགས་པའི་བྱང་ཆུབ་ཏུ་བསམ་པ་ངེས་པར་གྱུར་ཅིང་སེམས་ཅན་རྣམས་ཀྱང་ཐེག་པ་ཆེན་པོ་ལ་རབ་ཏུ་འགོད་པར་བྱེད་པ་དང་།
165b3 བདག་ཉིད་ཆོས་འདོད་ཅིང་ཆོས་འདོད་པས་གཞན་དག་ལའང་སྟོན་པར་བྱེད་པ་སྟེ། ཆོས་བཞི་པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། སྒྲུབ་པ་སྙིང་པོར་བྱེད་ཅིང་འགྲོ་ལ
165b4 ཆོས་སྟོན་ལ། །དུལ་བསྲུང་ལེགས་བཏུལ་ཤིན་ཏུ་མྱ་ངན་འདས་གནས་ཀྱང་། །གང་དག་མ་དུལ་མ་བསྲུངས་མ་བཏུལ་མྱ་ངན་ལས། །མ་འདས་དེ་དག་ཆོས་ཀྱི་དཀོན་མཆོག
165b5 འབྱོར་པར་འཛུད། །དེ་དག་བྱང་ཆུབ་སེམས་ལ་བསམ་པ་ངེས་གྱུར་ཅིང་། །ཐེག་པ་དེ་ལ་འགྲོ་བ་རྣམས་ཀྱང་འགོད་པར་བྱེད། །རྟག་ཏུ་ཆོས་འདོད་དོན་ལྡན་བླ་མ་གུས
165b6 བྱེད་ཅིང་། །སེམས་ཅན་རྣམས་ལ་དེ་དང་མཐུན་པའི་ཆོས་རྣམས་སྟོན། །ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་མངོན་པར་ཤེས་པ
165b7 རྣམས་ཀྱིས་མངོན་པར་འཕགས་པ་རྣམས་ཡིན་ཏེ། བཞི་གང་ཞེ་ན། ཡང་དང་ཡང་དུ་ཚངས་པའི་གནས་པ་བཞིའི་གནས་པ་དང་། རྟག་པར་རྒྱུན་དུ་རབ་ཏུ་དབེན་པར་གནས
iiif viewer powered by OpenSeadragon
