| e-texts navigator |
| Wylie |
165a1 དབེན་པར་གཞོལ་བར་རབ་ཏུ་འདོད་པར་བྱ། །ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་སངས་རྒྱས་བཅོམ་ལྡན
165a2 འདས་རྣམས་ཀྱིས་གསུངས་པ་བཞིན་དུ་སྨྲ་བ་རྣམས་ཡིན་ཏེ། བཞི་གང་ཞེ་ན། བྱང་ཆུབ་ཀྱི་སེམས་མི་གཏོང་བ་དང་། ཐོས་པ་བསྒྲུབ་པ་སྙིང་པོར་བྱེད་པ་དང་། ཇི་སྐད་སྨྲས
165a3 པ་དེ་བཞིན་དུ་བྱེད་པ་དང་། རང་བཞིན་གྱིས་བདག་མེད་པ་ལ་འཇུག་པ་སྟེ། ཆོས་བཞི་པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། ཉམ་ང་གནོད་པར་གྱུར་ཀྱང་བྱང་ཆུབ་སེམས
165a4 མི་གཏོང་། །དེ་དག་སྐྱོབ་པའི་ཆོས་ཐོས་སྒྲུབ་པ་སྙིང་པོར་བྱེད། །བཀའ་བློ་བདེ་མཐུན་ཇི་སྐད་སྨྲས་པ་དེ་བཞིན་བྱེད། །མཁས་པ་དེ་དག་ཆོས་ཀུན་རང་བཞིན་བདག་མེད་འཇུག་།
165a5 དེ་ལྟར་བརྩོན་པའི་ཤེས་ལྡན་སྨྲས་བཞིན་བྱེད་འགྱུར་ཞིང་། །རྟག་བརྩོན་མི་འདོར་རྗེས་མཐུན་བདག་མེད་ཅི་ཡང་མེད། །རྟག་ཏུ་སྙན་པའི་ཕྲེང་བ་ཕྱོགས་བཅུར་གྲགས་འགྱུར་ཞིང་། །
165a6 དེ་ལྟར་ཆོས་སྨྲ་དེ་དག་ཆོས་ཀྱི་ཤེས་པས་འཕགས། །ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་སེམས་ཅན་རྣམས་ལ་ཆོས་སྨྲ་བ་རྣམས་ཡིན
165a7 ཏེ|་བཞི་གང་ཞེ་ན། བདག་ཉིད་སྒྲུབ་པས་གནས་ཤིང་སེམས་ཅན་རྣམས་ལ་ཆོས་སྟོན་པ་དང་། བདག་ཉིད་དུལ་བ་དང་། བསྲུང་བ་དང་། གྲོལ་བ་དང་། བརྟུལ་བ་དང་།
iiif viewer powered by OpenSeadragon
