| e-texts navigator |
| Wylie |
164b1 སྐད་ཅེས་བྱ་སྟེ། ཇི་ཙམ་མང་དུ་ཐོས་ཀྱང་དོན་ལ་མི་རྟོག་པས། །བྱིས་པ་ཐོས་དང་མི་ལྡན་རྟག་ཏུ་སྒྲུབ་ཆོས་ཉམས། །སྲིད་གསུམ་སྒྲ་སྐད་དབྱངས་དང་ཚིག་ལམ་གང་ཡོད་པ། །བྲག་ཅ་འདྲ
164b2 བར་དེ་ལས་དོན་ལྡན་སྒྲ་ཐོས་ནས། །དོན་ཉིད་རྟོགས་ཤིང་དགའ་མགུར་ཉེས་ཀུན་ཕྱིར་མི་འཇུག་།ཆོས་ཉིད་འདི་ནི་དོན་མཆོག་ཡིན་ཏེ་བརྗོད་དུ་མེད། །འདི་ནི་དོན་དང་སྒྲ་སྐད་ཐོས
164b3 པར་གྱུར་པ་ལས། །འགྲོ་བ་རྣམས་སུ་འགྲོ་བར་བྱེད་ཅིང་འགྲོ་བར་འགྱུར། །ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་འཇིག་རྟེན་གྱི་ཚུལ་གྱིས་ཆོས་ལ
164b4 སྟོན་པ་རྣམས་ཡིན་ཏེ། བཞི་གང་ཞེ་ན། བྲེ་མོ་གཏམ་བྱེད་པ་རྣམས་ལ་ཆོས་སྟོན་པ་དང་། སྐྱེ་བོ་ཕལ་པོ་ཆེ་འདུས་པ་དག་ལ་འཆི་བ་རྗེས་སུ་དྲན་པ་དང་། གཏོང་བ་ཆེན་པོ་དག་ལ
164b5 རྗེས་སུ་ཡི་རང་ཞིང་བྱང་ཆུབ་ཏུ་ཡོངས་སུ་བསྔོ་བ་དང་། འདུ་འཛི་ཐམས་ཅད་ལ་དབེན་པར་གཞོལ་བ་སྟེ། ཆོས་བཞི་པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། གང་ཚེ་སྐྱེ་བོ་མང
164b6 པོའི་དབུས་སུ་སོན་གྱུར་པ། །དེར་ནི་མཁས་པས་ཆོས་ཀྱི་གཏམ་ལ་འཇུག་པར་བྱ། །སྐྱེ་བོ་མང་པོ་འདུས་པར་གྱུར་པའི་ཚོགས་རྣམས་ལ། །འཆི་བར་འགྱུར་བའི་འདུ་ཤེས་རྣམ་པར
164b7 བསྒོམ་པར་བྱ། །དེས་ནི་བག་ཡོད་གཞན་གྱི་གཏོང་བ་རྣམ་ལྔ་ཡི། །གཏོང་ལ་ཡི་རངས་བྱས་ནས་བྱང་ཆུབ་བསྔོ་བྱ་ཞིང་། །གང་ཚེ་འདུ་འཛི་དག་དང་ཕྲད་པར་གྱུར་པའི་ཚེ། །དེར་ནི
iiif viewer powered by OpenSeadragon
