| e-texts navigator |
| Wylie |
164a1 ཚོམ་གཅོད་པའི་སྤོབས་པ་ཐོབ་པ་དང་། སེམས་ཅན་ཐམས་ཅད་ལ་བདག་མེད་པ་སྟོན་པའི་སྙིང་རྗེ་ཆེན་པོ་དང་། བདུད་དང་ཉོན་མོངས་པ་དང་བྲལ་བ་མངོན
164a2 པར་ཤེས་པའི་ཡེ་ཤེས་ཀྱི་གོ་ཆ་བགོས་པ་སྟེ། ཆོས་བཞི་པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། ཐོས་ཀུན་ཆུད་མི་ཟ་བར་འགྱུར་བའི་གཟུངས་ཐོབ་ཅིང་། །དེ་དག་སྤོབས་ལྡན
164a3 སེམས་ཅན་སོམ་ཉི་གཅོད་པར་བྱེད། །སྙིང་རྗེས་ཆོས་འདི་ཐམས་ཅད་བདག་མེད་སྟོན་བྱེད་ཅིང་། །མངོན་ཤེས་ཤེས་པའི་གོ་བགོས་བདུད་ཀྱིས་མི་ཉམས་ལ། །བྱང་ཆུབ་སེམས་དཔའ
164a4 ཆོས་བཞི་དེ་དག་གིས་འཇུག་ན། །འཁོར་ཀུན་ནང་དུ་སོང་ཡང་དེ་ལ་འཇིགས་པ་མེད། །ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་ཐོས་པས་དོན
164a5 ལ་རྟོན་པ་རྣམས་ཡིན་ཏེ། བཞི་གང་ཞེ་ན། ཐོས་པས་ཐམས་ཅད་མི་འཛིན་པས་ཐོས་པ་དང་མི་ལྡན་ཞིང་སྒྲུབ་པ་ཉམས་པའི་བྱིས་པ་ཐམས་ཅད་ཡོངས་སུ་སྤོང་བ་དང་། ཡི་གེ་དང
164a6 སྒྲ་དང་། སྐད་དང་། ཚིག་གི་ལམ་ཐམས་ཅད་མངོན་དུ་རྣམ་པར་ཤེས་པར་བྱ་བའི་ཕྱིར། བྲག་ཅ་དང་མཚུངས་པ་ཉིད་དུ་ཁོང་དུ་ཆུད་པ་དང་། དོན་འདོད་པ་ཉིད་ཀྱི་ཕྱིར་ཐོས་པ
164a7 ཡོངས་སུ་འཚོལ་ཞིང་དགའ་མགུར་བྱ་བའི་ཕྱིར་མ་ཡིན་པ་དང་། བརྗོད་དུ་མེད་པའི་དོན་ལ་འཇུག་ཅིང་བརྗོད་པའི་དོན་མ་ཡིན་པ་སྟེ། ཆོས་བཞི་པོ་དེ་དག་དང་ངོ་། །དེ་ལ་འདི
iiif viewer powered by OpenSeadragon
