| e-texts navigator |
| Wylie |
163a1 ཅན་གང་དག་བྱང་ཆུབ་ཏུ་སེམས་མ་བསྐྱེད་པ་དེ་དག་བྱང་ཆུབ་ཏུ་སེམས་བསྐྱེད་དུ་འཇུག་པ་དང་། སྤྲུལ་པ་ལྟ་བུར་དུས་གསུམ་ཡོངས་སུ་བསྔོ་བ་དང་། བྱང་ཆུབ་ཀྱི་སེམས
163a2 དང་མ་བྲལ་བས་དགེ་བའི་རྩ་བ་ཐམས་ཅད་སྐྱེད་པ་མངོན་པར་འདུ་བྱེད་པ་སྟེ། ཆོས་བཞི་པོ་དེ་དག་དང་ལྡན་པའོ། །དེ་ལ་འདི་སྐད་ཅེས་བྱ་སྟེ། མཁས་པ་གང་དག་ཤེས་རབ་ཕ་རོལ་ཕྱིན་འདོམས
163a3 ཤིང་། །བྱང་ཆུབ་ཞུགས་པས་བྱང་ཆུབ་སེམས་འཛིན་འཇུག་བྱེད་པ། །གང་དག་བྱང་ཆུབ་ཞུགས་པས་དུས་གསུམ་ཡི་རང་ཞིང་། །ཡིད་དང་མ་བྲལ་སྤྲུལ་འདྲ་བྱང་ཆུབ་འདོད་བྱེད་པ། །དགེ་བ
163a4 གང་ཡིན་ཅུང་ཟད་བྱེད་པ་ཐམས་ཅད་ནི། །ཐམས་ཅད་མཁྱེན་ཉིད་སེམས་ལ་རྟེན་པར་བྱེད་པ་ཡིན། །ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་ཡེ་ཤེས་ཀྱིས་ཆགས་པ
163a5 མེད་པར་སྤྱོད་པ་རྣམས་ཡིན་ཏེ། བཞི་གང་ཞེ་ན། ཤེས་པས་བྱིས་པའི་བྱ་བ་རྣམས་བྱེད་ཅིང་ང་རྒྱལ་གྱིས་བྱས་པ་རྣམས་མི་བྱེད་པ་དང་། ཆོས་ཐམས་ཅད་རྐྱེན་ལས་རག་ལས་ཤིང་བྱིན་གྱིས་རློབ་པ
163a6 མེད་ལ་གང་ཟག་དང་བྲལ་བར་ཤེས་པ་དང་། སྟོང་པ་ཉིད་སྤྱོད་ཡུལ་དུ་གྱུར་ཅིང་སེམས་ཅན་ཐམས་ཅད་མི་གཏོང་བའི་བསམ་པ་དང་ལྡན་པ་དང་། ཆགས་པ་ཐམས་ཅད་ལས་ཡང་དག་པར
163a7 འདས་ཤིང་སྐྱེ་མཆེད་དྲུག་ཡོངས་སུ་ཤེས་པ་སྲུང་བ་སྟེ། ཆོས་བཞི་པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། ཤེས་པས་ལས་བྱེད་དེ་དག་ང་རྒྱལ་ཡོད་མིན་ཞིང་། །བརྟེན་ལ་མཁས་པ
iiif viewer powered by OpenSeadragon
