| e-texts navigator |
| Wylie |
162a1 ཡོངས་སུ་ཞུ་བ་ནི་ཡང་ཁྱོད་ལེགས་སོ། །ལྷའི་བུ། དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་། ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས
162a2 ཡོན་ཏན་གྱི་ཁྱད་པར་དེ་དག་དང་། གཞན་དག་ཀྱང་འཐོབ་པར་འགྱུར་བ་ངས་ཁྱོད་ལ་བཤད་པར་བྱའོ། །ལྷའི་བུ་རབ་རྩལ་སེམས་ཀྱིས། བཅོམ་ལྡན་འདས། དེ་ལྟར་འཚལ་ལོ་ཞེས་གསོལ་ཏེ་བཅོམ
162a3 ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་ཐེག་པ་ཆེན་པོ་ལ་གཞན་གྱི་དྲིང་མི
162a4 འཇོག་པ་རྣམས་ཡིན་ཏེ། བཞི་གང་ཞེ་ན། ཐབས་ལ་མཁས་པས་མངོན་པར་བསྒྲུབ་པའི་ཤེས་རབ་དང་། སྙིང་རྗེ་ཆེན་པོས་མངོན་པར་བསྒྲུབ་པའི་བྱམས་པ་དང་། དོན་དང་། ཆོས་ཀྱིས་མངོན་པར
162a5 བསྒྲུབ་པའི་སྤོབས་པ་དང་། བྱང་ཆུབ་ཀྱི་ཡན་ལག་གི་རྣམ་པས་མངོན་པར་བསྒྲུབ་པའི་མངོན་པར་ཤེས་པ་ལྔ་པོ་དག་སྟེ། ལྷའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དག
162a6 དང་ལྡན་ན་ཐེག་པ་ཆེན་པོ་ལ་གཞན་གྱི་དྲིང་མི་འཇོག་པ་རྣམས་ཡིན་ནོ། །དེ་ལ་འདི་སྐད་ཅེས་བྱ་སྟེ། ཐབས་ལ་མཁས་པ་མངོན་པར་སྒྲུབ་པར་བྱེད་པ་ཡི། །མངོན་སུམ་ཤེས་རབ་རྟོགས་པར་ཁོང
162a7 དུ་ཆུད་གྱུར་ཅིང་། །ཐམས་ཅད་སྐྱབས་ཕྱིར་སྙིང་རྗེ་ཆེན་པོ་ཡངས་པ་ལ། གནས་པའི་བྱམས་པ་མངོན་པར་སྒྲུབ་པར་བྱེད་གྱུར་ལ། །དོན་དང་ཆོས་ལ་ཤིན་ཏུ་མཁས་པར་འགྱུར་བ་ཡི། སོ་སོ་ཡང
iiif viewer powered by OpenSeadragon
