| e-texts navigator |
| Wylie |
161b1 འདུ་བར་འགྱུར་བ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྲོག་ཆགས་ཐམས་ཅད་ཀྱིས་བསྔགས་པར་འགྱུར་བ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས
161b2 དཔའ་ཆེན་པོ་དགེ་བའི་སྤྱོད་པ་ཐམས་ཅད་ལ་རྨས་པ་མ་མཆིས་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་དག་ལ་རྒྱ་མཚོ་ལྟ་བུ་རྣམས་ལགས། ཇི་ལྟར་ན་བྱང
161b3 ཆུབ་སེམས་དཔའ་སེམས་དཔའ་ཆེན་པོ་ཆོས་ལ་དབང་སྒྱུར་བས་དབང་ཕྱུག་ཏུ་གྱུར་པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བགྱི་བ་ཐམས་ཅད་ལ་སློབ་དཔོན་དུ་གྱུར
161b4 པ་རྣམས་ལགས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་དུ་ཁ་ན་མ་ཐོ་བ་མ་མཆིས་ཤིང་ཡོན་ཏན་རྣམ་པ་ཐམས་ཅད་དང་ལྡན་པ་རྣམས་ལགས། དེ་སྐད་ཅེས་གསོལ་པ་དང་།
161b5 བཅོམ་ལྡན་འདས་ཀྱིས་ལྷའི་བུ་རབ་རྩལ་སེམས་ལ་འདི་སྐད་ཅེས་བཀའ་སྩལ་ཏོ། །རབ་རྩལ་སེམས། ལེགས་སོ། །ལེགས་སོ། །ལྷའི་བུ། ཁྱོད་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་ཐམས་ཅད
161b6 ལས་མངོན་པར་འཕགས་པ། འཇིག་རྟེན་གྱི་ཡོངས་སུ་འདྲེན་པ། སྙིང་རྗེ་ཆེན་པོ་དང་ལྡན་པ། བསྐལ་པ་གྲངས་མེད་པ་ནས་གོ་ཆ་བགོས་པ། བརྩོན་འགྲུས་ཤིན་ཏུ་བརྟན་པ། དེད་དཔོན་ཆེན་པོ། སེམས་ཅན
161b7 དཔག་ཏུ་མེད་པའི་དོན་བྱེད་པ། སེམས་ཅན་དཔག་ཏུ་མེད་པ་ཐམས་ཅད་ཀྱང་བདེ་བ་ལ་རབ་ཏུ་འགོད་པ་ལ་མཁས་པ། ཡོན་ཏན་དཔག་ཏུ་མེད་པ་དང་ལྡན་པ་རྣམས་ཀྱི་དོན་དུ་དེ་བཞིན་གཤེགས་པ་ལ
iiif viewer powered by OpenSeadragon
