| e-texts navigator |
| Wylie |
159b1 འཕགས་པ་ལྷའི་བུ་རབ་རྩལ་སེམས་ཀྱིས་ཞུས་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས
159b2 ཐོས་པ་དུས་གཅིག་ན། བཅོམ་ལྡན་འདས་མཉན་དུ་ཡོད་པ་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་ཀྱི་ཀུན་དགའ་ར་བ་ན་དགེ་སློང་ཁྲིའི་དགེ་སློང་གི་དགེ་འདུན་ཆེན་པོ་དང་། འཇིག་རྟེན
159b3 གྱི་ཁམས་གཞན་དག་ནས་འདུས་པའི་བྱང་ཆུབ་སེམས་དཔའ་སྟོང་ཕྲག་རབ་ཏུ་མང་པོ་དང་། འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྷའི་བུ་རྣམས་དང་། དེ་ལས་གཞན་པའི་ལྷའི་བུ
159b4 རྣམས་དང་། ཀླུའི་རྒྱལ་པོ་རྒྱ་མཚོ་ལ་སོགས་པ་ཀླུའི་འཁོར་མང་པོ་རྣམས་དང་། གནོད་སྦྱིན་གྱི་རྒྱལ་པོ་ལུས་ངན་ལ་སོགས་པ་གནོད་སྦྱིན་གྱི་འཁོར་མང་པོ་རྣམས་དང་། ནམ་མཁའ་ལྡིང་གི་རྒྱལ
159b5 པོ་སྟོབས་ཆེན་ལ་སོགས་པ་ནམ་མཁའ་ལྡིང་གི་འཁོར་མང་པོ་རྣམས་དང་། ལྷ་མ་ཡིན་གྱི་དབང་པོ་སྒྲ་གཅན་ལ་སོགས་པ་ལྷ་མ་ཡིན་གྱི་འཁོར་མང་པོ་རྣམས་དང་། མི་འམ་ཅིའི་རྒྱལ་པོ་ལྗོན་པ་ལ
159b6 སོགས་པ་མི་འམ་ཅིའི་འཁོར་མང་པོ་རྣམས་དང་། ལྟོ་འཕྱེ་ཆེན་པོའི་དབང་པོ་ལག་བཟང་ལ་སོགས་པ་ལྟོ་འཕྱེ་ཆེན་པོའི་འཁོར་མང་པོ་རྣམས་དང་། རྒྱལ་པོ་ཆེན་པོ་བཞི་འཁོར་དང་བཅས་པ་རྣམས
159b7 དང་། ལྷའི་དབང་པོ་བརྒྱ་བྱིན་ལྷའི་བུ་སྟོང་ཕྲག་མང་པོའི་འཁོར་དང་བཅས་པ་དང་། མི་མཇེད་ཀྱི་བདག་པོ་ཚངས་པ་ཚངས་རིས་ཀྱི་ལྷའི་བུ་འབུམ་ཕྲག་དུ་མའི་འཁོར་དང་བཅས་པ་དང་། རྒྱལ་པོ
iiif viewer powered by OpenSeadragon
