| e-texts navigator |
| Wylie |
308b1 བ་དེས་འཇིག་རྟེན་གསུམ་གྱིས་མཆོད་པའི་དེ་བཞིན་གཤེགས་པ་སྟོན་པ་གཅིག་པོར་འགྱུར་རོ། །ཀླུའི་བདག་པོ། གནོད་སེམས་སྤངས་པའི་སྐྱེས་བུ་གང་ཟག་ནི། ཡིད་བདེ་བར་བྱེད་པའི་ཆོས
308b2 བརྒྱད་ཐོབ་བོ། །བརྒྱད་གང་ཞེ་ན། འདི་ལྟ་སྟེ། དེའི་སེམས་རྣམ་པར་མི་འཚེ་བ་ལ་འགྲོ་བར་འགྱུར་བ་དང་། དེའི་སེམས་གནོད་སེམས་རབ་ཏུ་ཞི་བ་ལ་འགྲོ་བར་འགྱུར་བ་དང་། དེའི་སེམས
308b3 རྩོད་པ་མེད་ཅིང་འཐབ་པ་མེད་པ་ལ་འགྲོ་བར་འགྱུར་བ་དང་། དེའི་སེམས་དྲང་ཞིང་མ་ཉེན་ལ་ངེས་པ་ལ་འགྲོ་བར་འགྱུར་བ་དང་། འཕགས་པའི་སྐྱེ་བོར་གྲགས་པར་འགྱུར་བ་དང་། སེམས
308b4 ཅན་ཐམས་ཅད་ལ་བདེ་བར་དགའ་ཞིང་བྱམས་པའི་སེམས་པན་པའི་དངོས་པོ་མང་བར་འགྱུར་བ་དང་། བདེ་བ་ལ་མངོན་པར་དགའ་ཞིང་དང་བ་མང་ལ་སྐྱེ་བོ་མང་པོས་བསྟི་སྟང་བྱ་བར་འགྱུར
308b5 པ་དང་། སེམས་སྣུམ་ཞིང་ལས་སུ་རུང་བས་ཚངས་པའི་འཇིག་རྟེན་དུ་སྐྱེ་བ་ཐོབ་པ་མི་དཀོན་པར་འགྱུར་བ་སྟེ། ཀླུའི་བདག་པོ། གནོད་སེམས་སྤངས་པའི་སྐྱེས་བུ་གང་ཟག་ནི། ཡིད་བདེ་བར་བྱེད
308b6 པའི་ཆོས་བརྒྱད་པོ་དེ་དག་ཐོབ་བོ། །གནོད་སེམས་སྤངས་པའི་དགེ་བའི་རྩ་བ་དེ་གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་ན། དེ་དགེ་བའི་རྩ་བ་དེས་སེམས་ཐོགས
308b7 པ་མེད་པའི་དེ་བཞིན་གཤེགས་པ་བལྟ་བས་མི་ངོམས་པར་འགྱུར་རོ། །ཀླུའི་བདག་པོ། ལོག་པར་ལྟ་བ་སྤངས་པའི་སྐྱེས་བུ་གང་ཟག་ནི། ཡོན་ཏན་གྱི་ཆོས་བཅུ་ཐོབ་བོ། །བཅུ་གང་ཞེ་ན། འདི
iiif viewer powered by OpenSeadragon
