| e-texts navigator |
| Wylie |
308a1 མིའི་ཆེ་བ་ཉིད་ཐོབ་པ་ཡིན་ཏེ། ཀླུའི་བདག་པོ། ཚིག་ཀྱལ་བ་སྤངས་པའི་སྐྱེས་བུ་གང་ཟག་ནི། གཅིག་ཏུ་ངེས་པ་གསུམ་པོ་དེ་དག་ཐོབ་བོ། །ཚིག་ཀྱལ་པ
308a2 སྤངས་པའི་དགེ་བའི་རྩ་བ་དེ་གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་ན། དེ་དགེ་བའི་རྩ་བ་དེས་ཕྱད་པར་ལུང་སྟོན་ཅིང་གཞན་དུ་མི་གསུང་བའི་དེ
308a3 བཞིན་གཤེགས་པར་འགྱུར་རོ། །ཀླུའི་བདག་པོ། བརྣབ་སེམས་སྤངས་པའི་སྐྱེས་བུ་གང་ཟག་ནི། དབང་པོ་ལྔ་ཐོབ་བོ། །ལྔ་གང་ཞེ་ན། འདི་ལྟ་སྟེ། དབང་པོ་མ་ཚད་པ་མེད་པས
308a4 ལུས་དང་། ངག་དང་། སེམས་ལ་དབང་པ་ཐོབ་པ་དང་། དགྲ་ཐམས་ཅད་ཀྱིས་མི་རྫི་བས་ལོངས་སྤྱོད་དང་། དབང་ཕྱུག་ལ་དབང་བ་རྒྱ་ཆེན་པོ་སློབ་པ་དང་། བསོད་ནམས་ཀྱི
308a5 དབང་གིས་དེའི་སེམས་ལོངས་སྤྱོད་དང་། ཡོངས་སུ་སྤྱོད་པ་རྒྱ་ཆེན་པོ་ཐམས་ཅད་ལ་འགྲོ་བ་དང་། དགབ་པ་མཆོག་ཐོབ་པས་རྒྱལ་པོ་དང་། དབང་པོས་མཆོད་པ་དང་། སྔོན
308a6 ཕྲག་དོག་མེད་པས་ལོངས་སྤྱོད་ཇི་ལྟར་སྨོན་པ་རྣམས་དེ་ལས་སྟོང་ཕྲག་བརྒྱ་འགྱུར་དུ་ཁྱད་པར་དུ་འགྱུར་བ་ཐོབ་པ་སྟེ། ཀླུའི་བདག་པོ། བརྣབ་སེམས་སྤངས་པའི་སྐྱེས་བུ
308a7 གང་ཟག་ནི། དབང་པོ་ལྔ་པོ་དེ་དག་ཐོབ་བོ། །བརྣབ་སེམས་སྤངས་པའི་དགེ་བའི་རྩ་བ་དེ་གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་ན། དེ་དགེ་བའི་རྩ
iiif viewer powered by OpenSeadragon
