| e-texts navigator |
| Wylie |
306b1 ད་ཨེས་དེ་བཞིན་གཤེགས་པ་ཉེ་བའི་ཉོན་མོངས་པ་ཅན་མ་ཡིན་པའི་ཡེ་ཤེས་ཅན་དུ་རང་གི་མངོན་པར་ཤེས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར
306b2 འཚང་རྒྱ་བར་འགྱུར་རོ། །ཀླུའི་བདག་པོ། འདོད་པ་ལ་ལོག་པར་གཡེམ་པ་སྤངས་པའི་སྐྱེས་བུ་གང་ཟག་ནི། མཁས་པས་བསྔགས་པའི་ཆོས་བཞི་ཐོབ་བོ། །བཞི་གང་ཞེ་ན། འདི
306b3 ལྟ་སྟེ|་དབང་པོ་སྡོམ་པ་དང་། རྒོད་པ་ལས་ཡང་དག་པར་འདའ་བ་དང་། འཇིག་རྟེན་ཐམས་ཅད་ཀྱིས་བསྔགས་པ་དང་། ཆུང་མ་མི་འཕྲོག་པ་སྟེ། ཀླུའི་བདག་པོ། འདོད་པ་ལ་ལོག་པར
306b4 གཡེམ་པ་སྤངས་པའི་སྐྱེས་བུ་གང་ཟག་ནི། མཁས་པས་བསྔགས་པའི་ཆོས་བཞི་པོ་དེ་དག་ཐོབ་བོ། །འདོད་པ་ལ་ལོག་པར་གཡེམ་པ་སྤངས་པའི་དགེ་བའི་རྩ་བ་དེ་གལ་ཏེ་བླ་ན་མེད་པ
306b5 ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་ན། དེ་དགེ་བའི་རྩ་བ་དེས་སྐྱེས་བུ་ཆེན་པོའི་མཚན་མདོ་མས་ཀྱི་སྦ་བ་སྦུབས་སུ་ནུབ་པ་ཐོབ་བོ། །ཀླུའི་བདག་པོ། བརྩུན་དུ་སྨྲ་བ་སྤངས
306b6 པའི་སྐྱེས་བུ་གང་ཟག་ནི། ལྷ་དང་། མིས་པ་སྔགས་པའི་ཆོས་བརྒྱད་ཐོབ་བོ། །བརྒྱད་གང་ཞེ་ན། འདི་ལྟ་སྟེ། ཨུཏྤལ་ལའི་དྲི་འབྱུང་བས་ཁ་ཡོངས་སུ་དག་པ་ཐོབ་པར་འགྱུར་བ་དང་། འཇིག
306b7 རྟེན་ཐམས་ཅད་ཀྱི་ཚད་མར་འགྱུར་བ་དང་། ལྷ་དང་། མི་དགང་བས་དབང་གཅིག་པོར་འགྱུར་བ་དང་། དབུགས་འབྱིན་པས་འབྱུང་པོ་རྣམས་དོགས་པ་མེད་པར་འགྱུར་བ་དང་། ལྷག
iiif viewer powered by OpenSeadragon
