| e-texts navigator |
| Wylie |
305b1 པོ|་|དེ་ལ་སྲོག་གཅོད་པ་སྤངས་པའི་སྐྱེས་བུ་གང་ཟག་ནི། རབ་ཏུ་ཞི་བར་བྱེད་པའི་ཆོས་བཅུ་ཐོབ་བོ། །བཅུ་གང་ཞེ་ན། འདི་ལྟ་སྟེ། འདིས་སེམས་ཅན་ཐམས་ཅད་ལ་མི་འཇིགས་པ་བྱིན་པ
305b2 ཡིན་ནོ|་|དེ་སེམས་ཅན་ཐམས་ཅད་ལ་བྱམས་པར་དམིགས་པ་ལ་གནས་པ་ཡིན་ནོ། །དེའི་ཞེ་སྡང་གི་བག་ཆགས་ཡང་དག་པར་ཆད་པ་ཡིན་ནོ། །དེས་ནད་ཉུང་བར་འགྱུར་བར་སྒྲུབ་པ་ཡོངས
305b3 སུ་བཟུང་བ་ཡིན་ནོ། །དེས་ཚེ་རིང་བར་འགྱུར་བའི་ས་བོན་བཏབ་པ་ཡིན་ནོ། །དེ་ལ་མི་མ་ཡིན་པ་རྣམས་ཀྱང་སྲུང་བ་དང་། སྐྱོབ་པ་དང་། སྦེད་པར་བྱེད་དོ། །བདེ་བར་ཉལ་ཞིང་བདེ་བར་སང
305b4 པ་དང་། སྡིག་པའི་རྨི་ལམ་མི་མཐོང་བ་ཡིན་ནོ། །དེ་ཉལ་བ་ནའང་ལྷ་རྣམས་སྒྲུབ་པར་བྱེད་དོ། །དེ་ལ་ཤར་གཉེར་པ་མེད་པ་ཡིན་ཏེ། ཤར་གཉེར་བའི་བག་ལ་ཉལ་མེད་པ་ཡིན་ནོ། །ངན་འགྲོ
305b5 ཐམས་ཅད་ཀྱིས་མི་འཇིགས་པ་དང་། ཤི་འཕོས་ནས་ཀྱང་བདེ་འགྲོ་མཐོ་རིས་ཀྱི་འཇིག་རྟེན་དུ་ལྷ་རྣམས་ཀྱི་ནང་དུ་སྐྱེ་བར་འགྱུར་ཏེ། ཀླུའི་བདག་པོ། སྲོག་གཅོད་པ་སྤངས་པའི་སྐྱེས་བུ་གང
305b6 ཟག་ནི|་རབ་ཏུ་ཞི་བར་བྱེད་པའི་ཆོས་བཅུ་པོ་དེ་དག་ཐོབ་བོ། །སྲོག་གཅོད་པ་སྤངས་པའི་དགེ་བའི་རྩ་བ་དེ་གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་ན། དེ་དགེ
305b7 བའི་རྩ་བ་དེས་བྱང་ཆུབ་ཐོབ་པ་ན་སེམས་ཀྱི་དབང་གིས་ཚེ་ཚད་མེད་པར་འགྱུར་རོ། །ཀླུའི་བདག་པོ། མ་བྱིན་པར་ལེན་པ་སྤངས་པའི་སྐྱེས་བུ་གང་ཟག་ནི། ཡིད་བརྟན་པའི་ཆོས་བཅུ་ཐོབ
iiif viewer powered by OpenSeadragon
