| e-texts navigator |
| Wylie |
304b1 ཀྱང་བསོད་ནམས་ལས་བྱུང་བའོ། །ཀླུའི་བདག་པོ། རྒྱ་མཚོ་ཆེན་པོ་འདི་ན་གང་དག་ལུས་སྣ་ཚོགས་གཟུགས་མི་སྡུག་ཅིང་དབྱིབས་མ་ལེགས་པ་དང་། དབྱིབས་ལེགས་པ་དང་། ལུས་རགས་ཞིང
304b2 ཆེ་བ་རྣམས་དང་། གང་དག་ལུས་ཕྲ་ཞིང་ཆུད་པ་དེ་དག་ཐམས་ཅད་ཀྱང་རང་རང་གི་སེམས་དང་། ལུས་དང་། ངག་དང་། ཡིད་ཀྱི་ལས་དགེ་བ་དང་། མི་དགེ་བས་སྣ་ཚོགས་སུ་གྱུར་པ་དག་གོ་།
304b3 ཀླུའི་བདག་པོ། །དེ་བས་ན། ལས་བདག་གིར་བྱ་བ། ལས་ཀྱི་བགོ་སྐལ་ལ་སྤྱོད་པ། ལས་ཀྱི་སྐྱེ་གནས་པ། ལས་ཀྱི་རྣམ་པར་སྨིན་པ་ལ་བརྟེན་པར་བྱའོ། །ཞེས་ཀླུའི་བདག་པོ། ཁྱེད་ཀྱིས་དེ
304b4 ལྟར་སློབས་ཤིག་དང་། ལས་བདག་གིར་བྱ་བ། ལས་ཀྱི་བགོ་སྐལ་ལ་སྤྱོད་པ། ལས་ཀྱི་རྣམ་པར་སྨིན་པ་ལ་བརྟེན་པ་ཁྱེད་དགེ་བའི་ཆོས་མངོན་པར་འདུ་བྱ་བ་ལ་བློ་འཇུག་པར་འགྱུར་རོ། །ལྟ
304b5 བ་ཆུད་གསོན་པར་བྱེད་པར་མི་འགྱུར་རོ། །ཆད་པ་དང་རྟག་པར་ལྟ་བ་ལ་གནས་པར་མི་འགྱུར་རོ། །ཁྱེད་ཀྱིས་སྦྱིན་པའི་གནས་རྣམས་མགུ་བར་བྱེད་པར་འགྱུར་རོ། །མགུ་བར་བྱས་ནས་ཀྱང་བསྟི་སྟང
304b6 བྱེད་པར་འགྱུར་རོ། །བསྟི་སྟང་བྱས་པའི་རྒྱུ་ལས་བྱུང་བའི་ལྷ་དང་བཅས་པའི་འཇིག་རྟེན་གྱིས་བསྟི་སྟང་བྱེད་པར་འགྱུར་རོ། །ཀླུའི་བདག་པོ། ཆོས་གཅིག་གིས་སེམས་ཅན་ཐམས་ཅད་ཀྱི་ངན
304b7 འགྲོ་ངན་སོང་མི་ཁོམ་པའི་ལམ་ཐམས་ཅད་ཡང་དག་པར་གཅོད་དོ། །ཆོས་གཅིག་པོ་གང་ཞེ་ན། འདི་ལྟ་སྟེ། བདག་ཇི་ལྟར་གྱུར་ཅིང་ཉིན་ཞག་རྣམས་འགྲོ་ཞིག་གུ་སྙམ་དུ་དགེ་བའི་ཆོས་རྣམས
iiif viewer powered by OpenSeadragon
