| e-texts navigator |
| Wylie |
304a1 བྱེད་ན|་སྒྲུབ་པས་གནས་པའི་མཚན་ཉིད་ཀྱི་ཆོས་རྣམས་ཀྱི་ཕུང་པོ་དང་། ཁམས་དང་། སྐྱེ་མཆེད་གང་དག་མངོན་པར་འགྲུབ་པ་དེ་དག་མཛེས་ཤིང་བལྟ་ན
304a2 སྡུག་ལ་གཟུགས་བཟང་བ་དག་ཏུ་མངོན་པར་འགྲུབ་བོ། །ཀླུའི་བདག་པོ། དེ་བཞིན་གཤེགས་པའི་སྐུ་བསོད་ནམས་བྱེ་བ་ཁྲག་ཁྲིག་བརྒྱ་སྟོང་ལས་སྐྱེས་པ་མཚན་རྣམས་ཀྱིས་ཇི་ལྟར
304a3 བརྒྱན་པ་དང་། ཇི་ལྟར་བསྒྲུབ་པ་དང་། དཔལ་གྱིས་ལྷ་དང་མིར་བཅས་པའི་འཇིག་རྟེན་ཟིལ་གྱིས་མནན་ནས་མ་ཆགས་པར་བཞུགས་ཏེ། གང་ན་བརྒྱ་སྟོང་ཕྲག་བཅུ་ལ་དབང་སྒྱུར་བའི
304a4 ཚངས་པ་ཆེན་པོ་འདི་དག་མོག་མོག་པོར་གྱུར་ནས་དེ་བཞིན་གཤེགས་པའི་སྐུ་ལ་བལྟ་ནའང་མིག་ཟི་ཟི་བར་གྱུར་པ་ལ་ལྟོས། ཀླུའི་བདག་པོ། བྱང་ཆུབ་སེམས་དཔའ་འདི་དག་གི་གཟུགས
304a5 དང་|་མཚན་དང་། ལུས་དང་། རྒྱན་རྣམས་ལ་ལྟོས། ཀླུའི་བདག་པོ། དེ་དག་ཐམས་ཅད་ནི། དགེ་བའི་ལས་མངོན་པར་འདུ་བྱ་བ་རྣམས་ཀྱིས་མངོན་པར་འདུས་བྱས་པས་བརྒྱན་པ་བསྒྲུབས
304a6 པའོ|་|ཀླུའི་བདག་པོ། ཁྱོད་ཀྱི་བཀོད་པ་འདི་དང་བསོད་ནམས་ཐམས་ཅད་ལས་བྱུང་བའོ། །ཀླུའི་བདག་པོ། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། ལྷ་དང་། ལྷ་དང་། ཀླུ་དང་།
304a7 གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་འདི་དག་གི་བཀོད་པ་གང་ཡིན་པ་དེ་དག་ཐམས་ཅད
iiif viewer powered by OpenSeadragon
