| e-texts navigator |
| Wylie |
303b1 མཁྱེན་ནས་ཀླུའི་རྒྱལ་པོ་རྒྱ་མཚོ་ལ་བཀའ་སྩལ་པ། ཀླུའི་བདག་པོ། ཀྱེ་མ་འཇིག་རྟེན་གནས་པ་འདི་ནི། ལས་རྣམ་པ་སྣ་ཚོགས་ཀྱིས་བསྐྱོད་ནས་སེམས་ཀྱི་དམིགས་པ་སྣ་ཚོགས་ཀྱིས
303b2 ལས་རྣམ་པ་སྣ་ཚོགས་མངོན་པར་འདུ་བྱ་བ་མངོན་པར་འདུ་བྱེད་དེ། དེ་ཡིས་འགྲོ་བའང་སྣ་ཚོགས་སུ་གྱུར་ཏོ། །ཀླུའི་བདག་པོ། འཁོར་འདི་དང་། རྒྱ་མཚོ་ཆེན་པོ་འདི་ན་གཟུགས་རྣམ་པ
303b3 སྣ་ཚོགས་ཇི་སྙེད་པ་དང་། གཟུགས་ཐ་མལ་པ་ཇི་སྙེད་སྣང་བ་ལ་ལྟོས། ཀླུའི་བདག་པོ། འདི་དག་ཐམས་ཅད་ནི། རང་རང་གི་སེམས་དང་། ལུས་དང་། ངག་དང་། ཡིད་ཀྱི་ལས་དགེ་བ་དང་།
303b4 མི་དགེ་བ་སྣ་ཚོགས་སུ་བྱས་པས་སྣ་ཚོགས་སུ་གྱུར་པ་དག་གོ་།སེམས་ནི། གཟུགས་མེད་པ། བསྟན་དུ་མེད་པ། གཟུང་དུ་མེད་པའོ། །ཀླུའི་བདག་པོ། འདི་ལྟར་ཐམས་ཅད་ནི། བཅོས་མ
303b5 སྒྲུབ་པས་གནས་པའི་མཚན་ཉིད་དེ། བདག་པོ་མེད་པ། བདག་གི་མེད་པ། ཡོངས་སུ་འཛིན་པ་མེད་པའོ། །དེ་དག་ནི། ལས་ཇི་ལྟར་བསགས་པས་བསྒྲུབས་པ་སྣ་ཚོགས་སུ་བྱས་པ་དག་སྟེ། འདི་ལ་བྱེད
303b6 པ་བོ་གང་ཡང་མེད་དོ། །ཀླུའི་བདག་པོ། འདི་ལྟར་ཆོས་འདི་དག་ཐམས་ཅད་ནི། བསམ་གྱིས་མི་ཁྱབ་པ་སྒྱུ་མའི་མཚན་ཉིད་ཀྱི་ངོ་བོ་ཉིད་དོ། །ཀླུའི་བདག་པོ། དེ་ལ་བྱང་ཆུབ་སེམས་དཔའ་མཁས
303b7 པས་ཆོས་ཐམས་ཅད་སྒྲུབ་པས་གནས་པའི་མཚན་ཉིད་དུ་ཤེས་ནས་དགེ་བའི་ལས་མངོན་པར་འདུ་བྱ་བ་དག་མངོན་པར་འདུ་བྱའོ། །དེ་དགེ་བའི་ལས་མངོན་པར་འདུ་བྱ་བ་དག་མངོན་པར་འདུ
iiif viewer powered by OpenSeadragon
