| e-texts navigator |
| Wylie |
300b1 ཆོས་རྣམ་པར་ངེས་པ་སྟོན་པ་ལ་མཁས་པ། སངས་རྒྱས་མང་པོ་ལ་བསྙེན་པ་ཀུར་བྱས་པ། བཟོད་པ་ཐོབ་པ་ཤ་སྟག་གོ་།ཀཽ་ཤི་ཀ་།གཞན་ཡང་ཆོས་ཀྱི་རྣམ་གྲངས་འདི་གཟུང་བ་དང་། གཞན་དག
300b2 ལའང་རྒྱས་པར་བསྟན་པ་དང་། དེ་བཞིན་གཤེགས་པ་མྱ་ངན་ལས་འདས་པའི་འོག་ཏུའང་མ་འོངས་པའི་སེམས་ཅན་ཆེན་པོ་དམ་པའི་ཆོས་ཀྱི་གྲོང་ཁྱེར་སྲུང་བ་དེ་དག་ལ་བསྟན་པའི་ཕྱིར་ཁྱོད་ལ
300b3 གཏད་དོ། །དེ་ལྟར་བྱས་ན། ཁྱོད་ཀྱིས་དེ་བཞིན་གཤེགས་པ་ལ་མཆོད་པའི་ཆོག་བྱས་པར་འགྱུར་རོ། །བརྒྱ་བྱིན་གྱིས་གསོལ་པ། བཅོམ་ལྡན་འདས། ཆོས་ཀྱི་རྣམ་གྲངས་འདི་བདག་གིས
300b4 བཟུང་ལགས་སོ། །འདི་ནི། བདག་གིས་དེ་བཞིན་གཤེགས་པའི་བྱིན་གྱི་རླབས་ཁོ་ནས་རྒྱས་པར་བགྱིའོ། །མ་འོངས་པའི་སེམས་ཅན་ཆེན་པོ་དེ་དག་ལའང་བསྟབ་པར་འཚལ་ལོ། །དེ་ཅིའི
300b5 སླད་དུ་ཞེ་ན། བཅོམ་ལྡན་འདས། བདག་གིས་ནི། དེ་བཞིན་གཤེགས་པ་ལ་བཀའ་དྲིན་བསམ་པའི་རྡོ་མི་ཐོགས་ཏེ། འདི་ལྟར་བདག་ནི། དེ་བཞིན་གཤེགས་པའི་ཆོས་ཀྱིས་ཕན
300b6 གདགས་པའི་སླད་དུའོ། །བཅོམ་ལྡན་འདས། གཞན་ཡང་ཅི་ནས་བདུད་དང་། ཕྱིར་རྒོལ་པ་ངེས་པར་བཅོམ་ནས་འདི་ཛམྦུའི་གླིང་དུ་སྤྱོད་པར་འགྱུར་བ་དེ་ལྟ་བུར་ཆོས་ཀྱི་རྣམ་གྲངས་འདི་དེ་བཞིན
300b7 གཤེགས་པས་བྱིན་གྱིས་བརླབ་ཏུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། ཀཽ་ཤི་ཀ་།དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་། བར་དུ་གཅོད་པ་ཐམས་ཅད
iiif viewer powered by OpenSeadragon
