| e-texts navigator |
| Wylie |
300a1 སམ། བཀའ་སྩལ་པ། བུ་མོ། དེ་ནི། དེ་བཞིན་ནོ། །བུ་མོ་དྲི་མ་མེད་པའི་འོད་ཀྱིས་གསོལ་པ། བཅོམ་ལྡན་འདས། བདག་ཆོས་ཐམས་ཅད་ལའང་ཆོས་ཀྱི
300a2 འདུ་ཤེས་མི་སྐྱེད་ལ། སེམས་ཅན་ཐམས་ཅད་ལའང་སེམས་ཅན་གྱི་འདུ་ཤེས་མི་སྐྱེད། ཆོས་ཐམས་ཅད་ཀྱིས་ཀྱང་སངས་རྒྱས་ཀྱི་ཆོས་རྣམས་ལ་རྣམ་པར་མི་རྟོག་སྟེ། སངས་རྒྱས
300a3 ཀྱི་ཆོས་རྣམས་ཀྱི་ཁོངས་སུའང་ཆོས་ཐམས་ཅད་འཇུས་པར་ཡང་དག་པར་མཐོང་ལ། དེ་དག་གི་ཁོངས་སུའང་མ་ཞེན་པར་ཡང་དག་པར་མཐོང་ན། བཅོམ་ལྡན་འདས། བདག་དེ
300a4 ལྟར་བརྩོན་ན། ཅི་དམ་པའི་ཆོས་འཛིན་པ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། བུ་མོ། ཁྱོད་དེ་ལྟར་སྒྲུབ་ན། དམ་པའི་ཆོས་འཛིན་པ་ཡང་དག་པ་ཡིན་ནོ། །དེ་ནས
300a5 བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། འདི་ལྟར་བསམ་གྱིས་མི་ཁྱབ་པའི་ཆོས་རྣམ་པར་ངེས་པའི་སྤོབས་པ་དང་ལྡན
300a6 པའི་བུ་མོ་རྣམས་ཀྱིས་འདིར་རྣམ་པ་དང་། སྒྲ་དང་། བརྡ་སྣ་ཚོགས་ཀྱི་ཆོས་ཉིད་དེ་ཁོ་ན་གླེང་སྟེ། ཆོས་གང་དང་ཡང་འགལ་བར་མི་བགྱིད་ལ། ཆོས་ཐམས་ཅད་ཀྱང་བྱང་ཆུབ་དང
300a7 མཉམ་པ་ཉིད་དུ་སྟོན་པ་ནི། ངོ་མཚར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀཽ་ཤི་ཀ་།གཞན་ཡང་ཆོས་དེ་ནི། དེ་བཞིན་ཏེ། བུ་མོ་འདི་དག་ནི། བསམ་གྱིས་མི་ཁྱབ་པའི
iiif viewer powered by OpenSeadragon
