| e-texts navigator |
| Wylie |
297b1 བདག་གིས་སོ་སོའི་སྐྱེ་བོའི་ཆོས་རྣམས་ཀྱང་མ་མཐོང་། སློབ་པའི་ཆོས་དང་། མི་སློབ་པའི་ཆོས་དང་། རང་སངས་རྒྱས་ཀྱི་ཆོས་དང་། བྱང་ཆུབ་སེམས་དཔའི་ཆོས་དང་། སངས་རྒྱས་ཀྱི་ཆོས
297b2 རྣམས་ཀྱང་མ་མཐོང་ན། ཅི་བདག་དེ་བཞིན་གཤེགས་པའི་བྱང་ཆུབ་འཛིན་པ་ལགས་སམ། བཀའ་སྩལ་པ། རིགས་ཀྱི་བུ། དེ་ནི། དེ་བཞིན་ནོ། །བྱང་ཆུབ་སེམས་དཔའ་ཆོས་ཐམས
297b3 ཅད་ལ་ཁས་འཆེ་བ་མེད་པར་ཤིན་ཏུ་གནས་པས་གསོལ་པ། བཅོམ་ལྡན་འདས། བདག་གིས་ཆོས་ཀྱི་རང་བཞིན་ཅིའང་མ་འཚལ་ཅིང་མི་འཛིན་ན། ཅི་བདག་དམ་པའི་ཆོས་འཛིན་པ
297b4 ལགས་སམ། བཀའ་སྩལ་པ། རིགས་ཀྱི་བུ། དེ་ནི། དེ་བཞིན་ནོ། །བྱང་ཆུབ་སེམས་དཔའ་མིག་མི་འཛུམ་གྱིས་གསོལ་པ། བཅོམ་ལྡན་འདས། བདག་མིག་གིས་མི་ལྟ། སེམས་ཀྱིས
297b5 མི་གཏོང་། དྲན་པ་མི་སྐྱེད་ན། ཅི་བདག་དམ་པའི་ཆོས་འཛིན་པ་ལགས་སམ། བཀའ་སྩལ་པ། རིགས་ཀྱི་བུ། དེ་ནི། དེ་བཞིན་ནོ། །བྱང་ཆུབ་སེམས་དཔའ་བརྗོད་དུ་མེད་པས་གསོལ
297b6 པ|་བཅོམ་ལྡན་འདས། བདག་ཆོས་ཀྱང་མི་སྟོན། ཆོས་མ་ལགས་པའང་མི་སྟོན། བདག་ལས་ཆོས་ཀྱི་སྒྲའང་མི་འབྱུང་། ཆོས་ཀྱི་འདུ་ཤེས་པའང་རྟོག་པར་མི་བགྱིད་ན། ཅི་བདག
297b7 དམ་པའི་ཆོས་འཛིན་པ་ལགས་སམ། བཀའ་སྩལ་པ། རིགས་ཀྱི་བུ། དེ་ནི། དེ་བཞིན་ནོ། །བྱང་ཆུབ་སེམས་དཔའ་མིང་མེད་པས་གསོལ་པ། བཅོམ་ལྡན་འདས། བདག་གང་གི་མིང
iiif viewer powered by OpenSeadragon
