| e-texts navigator |
| Wylie |
296b1 དེ་ནི་བརྗོད་ན་རྣ་བར་གྲག་པར་འགྱུར། །དེ་ནི་ཚུལ་བཞིན་ལམ་གྱི་རྒྱུད་འགྱུར་ཏེ། །ཆོས་སོ་འཚལ་གྱི་སླད་དུ་བཏགས་པ་ཙམ། །ཆོས་ཀུན་སྒྱུ་མ་འདྲ་ཞིང་གསོག་ལགས་ཏེ། །དེ་དག་སེམས་ཅན
296b2 སླད་དུ་རྣམ་པར་ཕྱེ། །དེ་དག་རང་བཞིན་ངོ་བོ་གང་ཡིན་པ། །དེ་ནི་ནམ་ཡང་རྣམ་པར་དབྱེར་མི་རུང་། །འཇིག་རྟེན་ན་ནི་སངས་རྒྱས་ཆོས་རྒྱལ་མཆོག་།ཆོས་ཀྱི་དབང་ཕྱུག་ཀུན་རིག་ཀུན་མཁྱེན
296b3 པ|་|སྟོན་པ་དེ་ལ་སློབ་ན་དེ་བཞིན་དུ། །འཕགས་པ་ཀུན་གྱིས་དེ་ཉིད་དོན་ཀྱང་རྟོགས། །བྱུང་བ་གང་ལགས་པ་དང་ད་ལྟར་དང་། །མ་འོངས་པ་ན་འབྱུང་བ་གང་ལགས་པ། །ཐམས་ཅད་ལ
296b4 ཡང་ཐུབ་པ་སྐྱེས་མཆོག་གི་། ཡེ་ཤེས་འཇུག་སྟེ་ཐོགས་པ་ཡོང་མི་མངའ། །སྐྱེས་བུ་དམ་པ་དེ་ཡིས་དེ་རིང་བདག་།དོགས་མ་མཆིས་པར་བྱང་ཆུབ་མཆོག་ལུང་བསྟན། །བདག་ནི
296b5 འགྲོ་ལ་ཕན་ཕྱིར་སངས་རྒྱས་འགྱུར། །བདག་ལ་སོམ་ཉི་མ་མཆིས་དོགས་མ་མཆིས། །ཆོས་ཐམས་ཅད་རང་བཞིན་གྱིས་ཡོངས་སུ་དག་པའི་ལེའུ་སྟེ་དགུ་པའོ།། །།
296b6 དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་དེ་དག་ཐམས་ཅད་ལ་བཀའ་སྩལ་པ། སྐྱེས་བུ་དམ་པ། ཁྱོད་ཀྱིས་དེ་བཞིན་གཤེགས་པའི་བྱང་ཆུབ་ཅི་ནས་ཡུན་རིང་དུ་གནས་པར
296b7 བྱ་བའི་ཕྱིར་མདོ་སྡེ་འདི་ཟུངས་ཤིག་། ཁྱོད་ཀྱི་ནང་ནས་སུ་དག་མདོ་སྡེ་འདི་ལྟ་བུ་འདི་དག་གཟུང་བར་སྤྲོ། །དེ་ནས་དེར་བྱང་ཆུབ་སེམས་དཔའ་ཉི་ཁྲི་དང་། ལྷའི་བུ་ཁྲི་སྟན་ལས་ལངས་ཏེ། །
iiif viewer powered by OpenSeadragon
