| e-texts navigator |
| Wylie |
293a1 མཛའ་བཤེས་ཡིན་ནོ། །དེ་དག་གིས་ནི། སེམས་ཅན་རྣམས་ཀྱི་ཕྱིན་ཅི་ལོག་སྤང་པའི་ཕྱིར་ཆོས་བསྟན་ནུས་སོ། །དེ་དག་གིས་ནི། བྱང་ཆུབ་ཀྱི་སྙིང་པོ་མཆོག་དམ
293a2 པ་ལ་འདུག་ནས་བདུག་ཀྱི་དཔུང་བྱེ་བ་ཕྲག་བརྒྱ་བྱམས་པ་དང་། ཤེས་རབ་དང་། ཡེ་ཤེས་དང་། བརྩོན་འགྲུས་ཀྱིས་གཞོམ་པར་ནུས་སོ། །དེ་དག་གིས་ནི། ཆོས་ཐམས་ཅད་ལ་དབང
293a3 བྱེད་པ་དང་། སེམས་དཔའ་བ་དང་། ཐམས་ཅད་མཁྱེན་པའི་ཡེ་ཤེས་མངོན་སུམ་དུ་བྱེད་པ་དང་། སེམས་ཀྱི་སྐད་ཅིག་གཅིག་དང་ལྡན་པས་ཐམས་ཅད་མཁྱེན་པའི་ཡེ་ཤེས
293a4 མངོན་པར་རྫོགས་པར་འཚང་རྒྱ་བར་ནུས་སོ། །དེ་དག་གིས་ནི། སེམས་ཅན་ཐམས་ཅད་བརྡ་སྤྲད་པ་དང་། སེམས་ཅན་ཐམས་ཅད་ཀྱི་སེམས་ཇི་ལྟ་བ་བཞིན་དུ་ཤེས་པ་དང་།
293a5 སེམས་ཅན་ཐམས་ཅད་ཀྱི་དབང་པོ་མཆོག་དང་མཆོག་མ་ཡིན་པ་ཇི་ལྟ་བ་བཞིན་དུ་ཤེས་པས་ཆོས་ཀྱི་འཁོར་ལོ་བླ་ན་མེད་པ་བསྐོར་བར་ནུས་སོ། །དེ་དག་གིས་ནི། ཕས་ཀྱི་རྒོལ་བ
293a6 རྣམས་ཚར་གཅད་པ་དང་། མུ་སྟེགས་ཅན་ཐམས་ཅད་ཟིལ་གྱིས་མནན་པ་དང་། དགྲ་ཐམས་ཅད་ཚར་གཅད་ཨཱི་ཕྱིར་ཆོས་ཀྱི་དུང་འབུད་ནུས་སོ། །དེ་ནས་ཀླུའི་རྒྱལ་པོ་རྒྱ་མཚོ
293a7 བསམ་པ་གྲུབ་ཅིང་བྲང་པ་དང་། ཡིད་ལ་བསམ་པ་ཡོངས་སུ་རྫོགས་ཏེ་རང་གིས་ལུང་བསྟན་པ་ཐོས་ནས་བར་སྣང་བ་མངོན་པར་འཕགས་ཏེ་བཅོམ་ལྡན་འདས་ལ་ཚིགས་སུ་བཅད་པ་འདི
iiif viewer powered by OpenSeadragon
