| e-texts navigator |
| Wylie |
291b1 དམིགས་སོ། །རྒྱལ་པོས་སྨྲས་པ། ཀླུའི་བདག་པོ། བཟོད་པ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ལུང་བསྟན་པ་མེད་དམ། སྨྲས་པ། རྒྱལ་པོ་ཆེན་པོ། བཟོད་པ་དེའང་སྐད་ཅིག་པ།
291b2 ཟད་པའི་མཚན་ཉིད། མི་ཟད་པའི་མཐའ་ཅན། ཡང་དག་པའི་མཐར་ངེས་པ། མཉམ་པའི་མཐའ་ཅན། གཉིས་སུ་མེད་པའི་མཐར་ངེས་པ་སྟེ། གཉིས་སུ་མེད་པའི་མཐའ་ནི། ཡང་དག
291b3 པའི་མཐའོ། །ཡང་དག་པའི་མཐའ་ནི། གཏན་དུ་མི་འབྱུང་བའི་མཐའོ། །མཐའ་ཅན་གང་ཡིན་པ་དེ་ནི། འདོད་ཆགས་དང་། ཞེ་སྡང་དང་། གཏི་མུག་རྣམས་སོ། །དེའི་མཐའ་ཅན་ནི།
291b4 རྣམ་པར་གྲོལ་བའི་མཐའོ། །གང་མཐའ་དེའི་སྒོར་ཞུགས་པ་ནི། གང་དུའང་མངོན་པར་ཞེན་པ་མེད་དོ། །གང་མངོན་པར་ཞེན་པ་དེ་ནི། ཐ་སྙད་ཀྱིས་བརྡ་ལ་ཆགས་པ་མེད་དོ། །མ་ཆགས
291b5 ན|་གྲོལ་བར་འགྱུར་རོ། །གྲོལ་ན། ཕྱིན་ཆད་མི་རྒྱུ། རབ་ཏུ་མི་རྒྱུའོ། །མི་རྒྱུ། རབ་ཏུ་མི་རྒྱུ་ན། གང་དུའང་ཉམས་པར་མི་འགྱུར་རོ། །བློ་མ་ཉམས་ན། ཐམས་ཅད་ལས་ངེས་པར་འབྱུང
291b6 བར་མཐོང་སྟེ། ཇི་ལྟར་རྣམ་པར་མི་མཐོང་བ་དེ་ནི། དེ་ལྟར་ཡང་མཐོང་ངོ་། །གང་གི་ཚེ་རྣམ་པར་མི་མཐོང་བ་དེའི་ཚེ་གཉིས་སུ་མི་འབྱེད་དོ། །གཉིས་སུ་མེད་པ་ལ་གནས་ན། མཉམ་པ་ཉིད
291b7 ལ་འཇུག་གོ་། མཉམ་པ་ཉིད་ལ་ཞུགས་ན། མཐོ་བར་ཡང་མི་འགྱུར། དམའ་བར་ཡང་མི་འགྱུར་རོ། །མཐོ་བའང་མེད། དམའ་བའང་མེད་ན། མཉམ་པ་ཉིད་ཀྱི་ཆོས་ཀྱིས་རབ་ཏུ་ཕྱེ་བའི
iiif viewer powered by OpenSeadragon
