| e-texts navigator |
| Wylie |
285b1 བའི་རྩ་བ་བསྐྱེད་པའི་སློབ་པ་དེ་དག་ནི། འཕགས་པའི་རྣམ་པར་གྲོལ་བ་ལ་སེམས་གནས་ཀྱི། དགེ་བའི་རྩ་བ་མ་བསྐྱེད་པ་རྣམས་ནི། དེ་ལྟ་མ་ཡིན་ནོ། །ཀླུའི་བདག་པོ། གཞན་ཡང
285b2 ཆོས་བཞི་དང་ལྡན་པའི་བྱང་ཆུབ་སེམས་དཔའ་ནི། དེ་བཞིན་གཤེགས་པ་ལ་མཆོད་པ་བྱེད་པ་དག་ཡིན་ཏེ། བཞི་གང་ཞེ་ན། བྱང་ཆུབ་ཀྱི་སེམས་མི་བརྗེད་པའི་བསོད་ནམས
285b3 ཀྱི་ཚོགས་གསོག་པ་དང་། སྙིང་རྗེ་ཆེན་པོ་ལ་གནས་པའི་སེམས་ཀྱི་ཡེ་ཤེས་ཀྱི་ཚོགས་གསོག་པ་དང་། བརྩོན་འགྲུས་ཆེན་པོ་ཤིན་ཏུ་བརྩམས་པའི་སེམས་ཀྱིས་སངས་རྒྱས
285b4 ཀྱི་ཞིང་ཡོངས་སུ་དག་པར་བྱེད་པ་དང་། ཆོས་ཟབ་མོ་རྒྱ་ཆེན་པོ་ལ་སེམས་བསྐྱེད་པས་བཟོད་པ་སྐྱེས་པ་ཐོབ་པ་སྟེ། ཀླུའི་བདག་པོ། ཆོས་འདི་བཞི་དང་ལྡན་པའི་བྱང་ཆུབ་སེམས
285b5 དཔའ་ནི། དེ་བཞིན་གཤེགས་པ་ལ་མཆོད་པ་བྱེད་པ་ཡིན་ནོ། །དེ་ནས་རྒྱལ་པོའི་ཁབ་ན་གནས་པའི་བྲམ་ཟེ་དང་། རྒྱལ་རིགས་དང་། ཁྱིམ་བདག་རྣམས་དང་། གྲོང་རྡལ་པ
285b6 དང་། ཡུལ་གྱི་མི་རྣམས་དང་། རྒྱལ་པོ་མ་སྐྱེས་དགྲ་དང་། བློན་པོ་དང་། ནང་འཁོར་དང་། སྒོ་དཔོན་དང་། འཁོར་དང་། ཚོང་དཔོན་རྣམས་ཀྱིས་དེ་བཞིན་གཤེགས་པ་ཀླུའི་རྒྱལ
285b7 པོ་རྒྱ་མཚོའི་གནས་སུ་བ་ཤོས་གསོལ་ནས་བྱ་རྒོད་ཀྱི་ཕུང་པོའི་རི་ལ་གཤེགས་སོ། །ཞེས་ཐོས་ནས་དེར་སྲོག་ཆགས་བདུན་ཁྲི་ཉིས་སྟོང་དང་། རྒྱལ་པོ་མ་སྐྱེས་དགྲ་གཡོག
iiif viewer powered by OpenSeadragon
