| e-texts navigator |
| Wylie |
285a1 པ་མེད་པ་དེ་ནི། དེ་བཞིན་གཤེགས་པ་ལ་མཆོད་པ་ཡོངས་སུ་དག་པ་ཡིན་ནོ། །མངོན་པར་འདུ་བྱེད་པ་མེད་པ་དང་། བླང་བ་མེད་པ་དང་། དོར་བ་མེད་པ་དང་། འཁོར
285a2 གསུམ་ཡོངས་སུ་བདེ་བ་དང་། དུས་གསུམ་མཉམ་པ་ཉིད་དང་། དྲི་མ་གསུམ་གྱི་དྲི་མ་སལ་བ་དང་། ཁམས་གསུམ་ལ་མི་རྟེན་པ་དང་། རྣམ་པར་ཐར་པའི་སྒོ་གསུམ་ལ་འཇུག་པ་དང་།
285a3 རིག་པ་གསུམ་གྱི་རིག་པ་ཤེས་པ་ནི། དེ་བཞིན་གཤེགས་པ་ལ་མཆོད་པ་ཡིན་ནོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཀླུའི་རྒྱལ་པོ་རྒྱ་མཚོས་འདི་སྐད་ཅེས
285a4 གསོལ་ཏོ། །བཅོམ་ལྡན་འདས། མེ་ཏོག་དང་། བདུག་པ་དང་། སྤོས་དང་། མེ་ཏོག་ཕྲེང་དང་། བྱུག་པ་དང་། ཕྱེ་མ་དང་། གདུགས་དང་། རྒྱལ་མཚན་དང་། བ་དན་དང་། ན་བཟའ་དང་།
285a5 བཤོས་དང་། གཟིམས་ཆ་དང་། གདན་དང་། སྙུན་གྱི་གསོས་སྨན་དང་། ཡོ་བྱད་དང་། སིལ་སྙན་དང་། ཕེག་རྡོབ་པ་དག་གིས་དེ་བཞིན་གཤེགས་པ་ལ་མཆོད་པ་བགྱིད་པ་གང
285a6 ལགས་པ་དེ་དག་ཀྱང་ནི་དེ་བཞིན་གཤེགས་པ་ལ་མཆོད་པ་བགྱིད་པ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཀླུའི་བདག་པོ། དེ་ནི། བླ་ན་མེད་པའི་མཆོད་པ་དེ་ཉིད
285a7 ཡོངས་སུ་སྦྱོང་བ་ཡིན་གྱི། མཆོད་པ་དེ་ནི། ཤིན་ཏུ་མཐར་ཐུག་པ་དང་། ཤིན་ཏུ་དྲི་མ་མེད་པ་དང་། ཤིན་ཏུ་ཚངས་པར་སྤྱོད་པའི་མཐར་ཐུག་པ་མ་ཡིན་ནོ། །ཀླུའི་བདག་པོ། དགེ
iiif viewer powered by OpenSeadragon
