| e-texts navigator |
| Wylie |
284b1 བླངས་པ་མི་འདོར་བ་ནི། དེ་བཞིན་གཤེགས་པ་ལ་མཆོད་པ་ཡིན་ཏེ། དམ་བཅས་པ་ལ་བརྟན་པའི་ཕྱིར་རོ། །དབེན་པ་ལ་དགའ་ཞིང་བེ་མོའི་གཏམ་ཡོངས་སུ་སྤོང་བ་ནི། དེ་བཞིན་གཤེགས་པ
284b2 ལ་མཆོད་པ་ཡིན་ཏེ། སེམས་ཡོངས་སུ་འདུལ་བའི་ཕྱིར་རོ། །ཇི་སྐད་ཐོས་པའི་ཆོས་ལ་ཚུལ་བཞིན་དུ་སོ་སོར་རྟོག་པ་ནི། དེ་བཞིན་གཤེགས་པ་ལ་མཆོད་པ་ཡིན་ཏེ། ཡང་དག་པ་ཇི་ལྟ་བ
284b3 བཞིན་ཡོངས་སུ་ཤེས་པའི་ཕྱིར་རོ། །བདག་མེད་པ་དང་། སེམས་ཅན་མེད་པ་དང་། གསོ་བ་མེད་པ་དང་། གང་ཟག་མེད་པར་ཉེ་བར་རྟོགས་པ་ནི། དེ་བཞིན་གཤེགས་པ་ལ་མཆོད་པ
284b4 ཡིན་ཏེ|་གཟོད་མ་ནས་མ་བྱུང་བའི་ཕྱིར་རོ། །སྟོང་པའི་ཆོས་ལ་འཇུག་པ་དང་། མཚན་མ་མེད་པ་ལ་ངེས་པར་རྟོག་པ་དང་། སྨོན་པ་དང་བྲལ་བ་ནི། དེ་བཞིན་གཤེགས་པ་ལ་མཆོད་པ
284b5 ཡིན་ཏེ|་རྣམ་པར་ཐར་པའི་སྒོ་མངོན་སུམ་དུ་བྱེད་པའི་ཕྱིར་རོ། །རྐྱེན་འདི་ལ་ཉིད་ལ་འཇུག་ཅིང་མཐར་ལྟ་བ་སེལ་བ་ནི། དེ་བཞིན་གཤེགས་པ་ལ་མཆོད་པ་ཡིན་ཏེ། རྟག་པ་དང་། ཆད
284b6 པར་ལྟ་བ་ཡོངས་སུ་སྤོང་བའི་ཕྱིར་རོ། །མ་བྱུང་བ་དང་། མ་སྐྱེས་པར་བཟོད་པ་ནི། དེ་བཞིན་གཤེགས་པ་ལ་མཆོད་པ་ཡིན་ཏེ། རང་བཞིན་གྱིས་མ་བྱུང་བའི་ཕྱིར་རོ། ཀླུའི་བདག་པོ།
284b7 དེ་ལྟར་ན། ལུས་དང་། ངག་དང་། སེམས་ཀྱི་རྩོམ་པ་གང་ཡིན་པ་དེ་དག་ནི། དེ་བཞིན་གཤེགས་པ་ལ་མཆོད་པ་ཡོངས་སུ་དག་པ་མ་ཡིན་གྱི། གང་ལུས་དང་། ངག་དང་། སེམས་ཀྱི་རྩོམ
iiif viewer powered by OpenSeadragon
