| e-texts navigator |
| Wylie |
282a1 བདག་ཅག་གིས་བསྐྱེད་ལགས་སོ། །བཅོམ་ལྡན་འདས། དེ་བཞིན་གཤེགས་པ་བཞུགས་ཀྱང་རུང་། ཡོངས་སུ་མྱ་ངན་ལས་འདས་ཀྱང་རུང་སྟེ།
282a2 བདག་ནི། རྒྱ་མཚོ་ཆེན་པོའི་ནང་ན་གནས་བཞིན་དུ་དམ་པའི་ཆོས་ཡོངས་སུ་བསྲུང་བའི་སླད་དུ་རྟག་ཏུ་བརྩོན་པ་ཁོ་ནར་འཚལ་ལོ། །བཅོམ་ལྡན་འདས། གྲོང་ཁྱེར་དུ་གཤེགས
282a3 པ་ནའང་བཀོད་པ་ཐམས་ཅད་ཉེ་བར་བསྟན་པར་འཚལ་ལོ། །ཆོས་ཀྱི་དབེན་པའི་གཏམ་མཛད་པ་ནའང་འཁོར་གྱི་ཁྱམས་ཀྱི་བཀོད་པ་སྒྲུབ་པར་འཚལ་ལོ། །བཅོམ་ལྡན
282a4 འདས་ཀྱིས་བཀའ་སྩལ་པ། འོད་ལྡན་མ། འདི་ལྟར་ཁྱོད་ཀྱིས་ནི། སངས་རྒྱས་ཁྲི་ལ་མཆོད་པ་བྱས་སོ། །འཁོར་གྱི་ཁྱམས་ཀྱི་བཀོད་པའང་བསྟན་ཏོ། །དམ་པའི་ཆོས་ཀྱང
282a5 ཡོངས་སུ་བསྲུངས་སོ། །འོད་ལྡན་མ། ཁྱོད་ནི། བསྐལ་པ་བཟང་པོའི་དེ་བཞིན་གཤེགས་པ་ཐམས་ཅད་ལའང་མཆོད་པ་བྱེད་པར་འགྱུར་རོ། །དམ་པའི་ཆོས་ཀྱང་ཡོངས་སུ
282a6 སྲུང་བར་འགྱུར་རོ། །ཁྱོད་ནི། བསྐལ་པ་བཟང་པོ་འདི་འདས་པའི་འོག་ཏུ་དེ་བཞིན་གཤེགས་པ་མི་འཁྲུགས་པའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་མངོན་པར
282a7 དགའ་བར་སྐྱེ་བར་འགྱུར་ཏེ། བུད་མེད་ཀྱི་དངོས་པོ་བརྗེས་ནས་སྐྱེས་པའི་དངོས་པོ་ཐོབ་པར་འགྱུར་རོ། །ཁྱོད་ནི། དེ་བཞིན་གཤེགས་པ་མི་འཁྲུགས་པས་བླ་ན་མེད་པ
iiif viewer powered by OpenSeadragon
