| e-texts navigator |
| Wylie |
278a1 བར་འགྱུར་བ་ཡིན་ཏེ། བཞི་གང་ཞེ་ན། གྲོགས་པོ་དག་།ཟས་གང་སྲོག་ཆགས་གཞན་བསད་པ་དང་། སྲོག་ཆགས་གཞན་ལ་རྣམ་པར་འཚེ
278a2 པ་དང་། གཞན་གྱི་སྲོག་གཅོད་པས་འཚོ་བ་འདི་ནི། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དུ་འགྲོ་བར་འགྱུར་བའི་ཟས་དང་པོའོ། །
278a3 གྲོགས་པོ་དག་།གཞན་ཡང་ཟས་གང་མ་བྱིན་པར་ལེན་ཅིང་འཕྲོག་པ་དང་། གཞན་གྱི་ལོངས་སྤྱོད་འཇིག་པར་བྱེད་པ་དང་། དབྱུག་པ་དང་། རལ་གྲི་དང་། མཚོན་ཆ
278a4 དང་། ལག་ཆས་འཚོག་པ་འདི་ནི། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དུ་འགྲོ་བར་འགྱུར་བའི་ཟས་གཉིས་པའོ། །གྲོགས
278a5 པོ་དག་། གཞན་ཡང་ཟས་གང་ཚུལ་འཆོས་པ་དང་། ཁ་གསག་དང་། ཕ་རོལ་ལ་གནོད་པ་བྱེད་པ་དང་། སྤྱོད་ལམ་ཡང་དག་པར་སྟོན་པ་དང་། ཆོ་ག་ཉམས་པ་དང་། ཚུལ
278a6 ཁྲིམས་ཉམས་པ་དང་། ལྟ་བ་ཉམས་པ་དང་། འཚོ་བ་ཉམས་པ་དང་། ལོག་པ་ཡང་དག་པ་མ་ཡིན་པའི་ཡོན་ཏན་གྱིས་འཚོ་བ་འདི་ནི། སེམས་ཅན་དམྱལ་བ་དང་། དུད་འགྲོའི་སྐྱེ
278a7 གནས་དང་། གཤིན་རྗེའི་འཇིག་རྟེན་དུ་འགྲོ་བའི་ཟས་གསུམ་པའོ། །གྲོགས་པོ་དག། གཞན་ཡང་ཟས་གང་སྟོན་པ་མ་ཡིན་པ་ལ་སྟོན་པར་ཁས་འཆེ་བ་དང་། ཡང་དག་པར་སོང
iiif viewer powered by OpenSeadragon
