| e-texts navigator |
| Wylie |
277a1 སྐད་སྨྲས་པ་བཞིན་ཏེ། རས་ཕྲག་ཟར་དེ་ལ་མཆོད་པ་བྱེད་པ་གང་ཡིན་པ་དེ་དག་གིས་ནི། དེ་བཞིན་གཤེགས་པ་ལ་མཆོད་པ་བྱས་པ་ཡིན་ནོ། །ཀླུའི
277a2 བདག་པོ། ཀླུ་དང་། ཀླུ་གཞོན་ནུ་དང་། ཀླུའི་བུ་མོ་ཇི་སྙེད་ཀྱིས་རས་ཕྲག་ཟར་དེ་ལས་དུམ་བུ་དུམ་བུར་ཁྱེར་བ་མཐོང་ངམ། གསོལ་པ། བཅོམ་ལྡན་འདས། མཐོང་ལགས་སོ།།
277a3 བཅོམ་ལྡན་འདས་ཀྱིས་བཀའ་སྩལ་པ། འདི་དག་ཐམས་ཅད་ནི། བསྐལ་པ་བཟང་པོ་འདི་ཁོ་ན་ལ་ཡོངས་སུ་མྱ་ངན་ལས་འདའ་བར་ངས་ལུང་བསྟན་ཏེ། ཐེག་པ་ཆེན་པོ་ལ
277a4 ཞུགས་པ་རྣམས་ནི། མ་གཏོགས་སོ། །ཀླུའི་བདག་པོ། དེ་བཞིན་གཤེགས་པ་ནི། དེ་ལྟར་འཇིག་རྟེན་ན་ཡོན་གནས་ཡིན་ཏེ། དེ་ལ་སེམས་བསྐྱེད་པ་ཙམ་ཡང་ཆུད་ཟ་བར
277a5 མི་འགྱུར་རོ། །དེ་ནས་རྒྱ་མཚོ་ཆེན་པོའི་ནང་ན་ཀླུ་དང་། ཀླུ་གཞོན་ནུ་དང་། ཀླུའི་བུ་མོ་ཇི་སྙེད་གནས་པ་དེ་དག་ཐམས་ཅད་ཚིམ་ཞིང་མགུ་ལ་ཡིད་རངས་ཏེ་།རབ་ཏུ་དགའ་ཞིང
277a6 དགའ་བ་དང་། ཡིད་བདེ་བ་སྐྱེས་ནས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ་ཚིག་འདི་སྐད་ཅེས་ཀྱང་སྨྲས་སོ། །དེ་བཞིན་གཤེགས་པ་ནི། གཉིས་སུ་མི་གསུང
277a7 བའོ|་|དེ་བཞིན་གཤེགས་པ་ནི། བདེན་པ་གསུང་པའོ། །ཡང་དག་པར་གསུང་བའོ། །ཕྱིན་ཅི་མ་ལོག་པར་གསུང་བ་སྟེ། དེས་བདག་ཅག་ཐམས་ཅད་ཡོངས་སུ་མྱ་ངན་ལས་འདའ
iiif viewer powered by OpenSeadragon
