| e-texts navigator |
| Wylie |
276b1 བུ་དུམ་བུར་ཁྱེར་དུ་ཟིན་ཀྱང་རས་ཕྲག་ཟར་འདི་ཡོངས་སུ་ཟད་པར་མི་འགྱུར་ཏེ། དེ་དག་གིས་གོས་ཇི་ཙམ་གྱི་ཚད་དུ་འགྱུར་བར་འདོད་ནའང་དེ་ལས་དེ་དག་གི་གོས་དེ་ཙམ་དུ་འགྱུར་ཏེ། ཀླུའི
276b2 བདག་པོ། དེ་བཞིན་གཤེགས་པའི་བྱིན་གྱི་རླབས་ནི། དེ་ལྟར་བསམ་གྱིས་མི་ཁྱབ་བོ། །དེ་ནས་ཀླུའི་རྒྱལ་པོ་རྒྱ་མཚོའི་རས་ཕྲག་ཟར་དེ་བླངས་ཏེ་དུམ་བུ་འབུམ་ཕྲག་དུ་མར་བྱས
276b3 ནས་ཀླུ་ཐམས་ཅད་དང་། ཀླུ་གཞོན་ནུ་ཐམས་ཅད་ལ་སོ་སོར་ཕྱིན་ནོ། །དེར་སུ་ཇི་ཙམ་དུ་འདོད་པ་དེ་ལ་དེ་ཙམ་གྱི་གོས་སུ་མངོན་པར་འགྲུབ་པར་འགྱུར་ཏེ། ཡངས་ཤིང་རྒྱ་ཆེ་བར
276b4 འགྱུར་ལ། རས་ཕྲག་ཟར་དེའང་ཡོངས་སུ་ཟད་པར་མི་འགྱུར་རོ། །དེ་ནས་ཀླུའི་རྒྱལ་པོ་རྒྱ་མཚོས་ཀླུའི་རྒྱལ་པོ་དེ་དག་ཐམས་ཅད་ལ་སྨྲས་པ། གྲོགས་པོ་དག་།རས་ཕྲག་ཟེར་དེ་ལ
276b5 སྟོན་པའི་འདུ་ཤེས་དང་། མཆོད་རྟེན་གྱི་འདུ་ཤེས་སྐྱེད་ཅིག་།དེ་ཅིའི་ཕྱིར་ཞེ་ན། རས་ཕྲག་ཟར་འདི་ནི། དེ་བཞིན་གཤེགས་པས་ལོངས་སྤྱོད་པ་ཡིན་ཏེ། སེམས་ཅན་ཐམས
276b6 ཅད་ཀྱི་མཆོད་རྟེན་དུ་གྱུར་པ་ཡིན་ནོ། །གྲོགས་པོ་དག་།དེ་བཞིན་གཤེགས་པ་ལ་མཆོད་པ་བྱེད་པ་གང་ཡིན་པ་དང་། རས་ཕྲག་ཟེར་འདི་ལ་མཆོད་པ་བྱེད་པ་གང་ཡིན་པ་དེ་ལ་ནི། བྱེ་བྲག་ཏུ་བྱ
276b7 བའམ|་ཐ་དད་དུ་བྱ་བ་ཅུང་ཟད་ཀྱང་མེད་དོ། །དེ་ནས་བཅོམ་ལྡན་འདས་ཀྱིས་ཀླུའི་རྒྱལ་པོ་རྒྱ་མཚོ་ལ་ལེགས་སོ། །ཞེས་བྱ་བ་བྱིན་ཏེ། ཀླུའི་བདག་པོ། ལེགས་སོ། །ལེགས་སོ། །ཁྱོད་ཀྱིས་ཇི
iiif viewer powered by OpenSeadragon
